ચીની રાષ્ટ્રપતિ શી-જિનપિંગે પોતાના પોતાના સૈનિકોને મોતથી ન ડરવાનો અને યુદ્ધ જીતવાની તૈયારીઓ પર ધ્યાન કેન્દ્રિત કરવાનો આગ્રહ કર્યો છે. ચીની સરકારી મીડિયા અનુસાર, તેમણે સશસ્ત્ર દળોને યુદ્ધની સ્થિતિમાં પ્રશિક્ષણ આપવા અને મોત અને તકલીફોથી ન ડરવાનું કહ્યું છે. ઉલ્લેખનીય છે કે, આ પહેલા અમેરિકા અને તાઇવાઇન વચ્ચે કોરોના મહામારી ક્ષેત્રીય વિવાદ અને માનવ અધિકારોના રાજકીય તણાવ વચ્ચે તેમણે સૈન્યને તૈયારીનું આહ્વાન કર્યું છે.
ભારત અને ચીન વચ્ચે સીમા વિવાદ યથાવત
રાષ્ટ્રપતિ જિનપિંગે સૈનિકોને મોતથી ન ડરવાની કરી વાત
લડાકૂ ક્ષમતામાં વધારો કરવાના આપ્યા આદેશ
ગયા મહિને, સામ્યવાદી નેતાએ તેની નૌસેનાના સૈનિકોને ગુઆંગડોંગ પ્રાંતના ચાઓઝોઉમાં પ્રવાસ દરમિયાન યુદ્ધની તૈયારી માટે મગજ અને ઉર્જા પર ધ્યાન કેન્દ્રિત કરવા જણાવ્યું હતું. મરીન બેઝની મુલાકાત લેતી વખતે સૈનિકોને 'મલ્ટિ-ફંક્શનલ, ઝડપી રિસપોન્સ, બધી જ આબોહવા અને આ પ્રદેશને અનુકૂળ રહેવા માટે કહ્યું હતું. આ સાથે જ તેમણે લડાકૂ ક્ષમતામાં સુધારો કરવાનું પણ સૈનિકોને જણાવ્યું હતું.
પીએલએને એક વિશ્વ સ્તરીય યુદ્ધ દળમાં બદલવાનું લક્ષ્ય
25 નવેમ્બરના રોજ બેઇજિંગમાં સેન્ટ્રલ લશ્કરી ઓયગને સંબોધન કરતાં ચીની નેતાએ યુદ્ધની તૈયારીના મહત્વ અને આવશ્યકતા પર ફરીથી ભાર મૂક્યો હતો. સૈન્ય કમાન્ડર સાથે વાત કરતા જીનપિંગેકહ્યું કે યુદ્ધ જીતવા માટેનું પહેલું પગલું કડક તાલીમ છે.
પહેલા પણ સેના સાથે જીનપિંગ કરી ચૂક્યા છે વાતચીત
શીએ કહ્યું કે સૈન્ય પ્રશિક્ષણએ સૈન્યનું નિયમિત અને કેન્દ્રિય કાર્ય છે. સિન્હુઆના જણાવ્યા મુજબ, ચીની રાષ્ટ્રપતિએ કહ્યું કે સૈન્ય લડાઇ માટેની આ સૌથી સીધી તૈયારી છે. દેશનો સૈન્ય વિકાસ નવા યુગમાં પ્રવેશી ગયો છે. ' આવી સ્થિતિમાં, 'ન તો કઠિનતાનો ભય છે અને ન મોતનો'. તેમણે ભારપૂર્વક જણાવ્યું હતું કે પાર્ટીનું લક્ષ્ય પીપલ્સ લિબરેશન આર્મી (PLA) ને વૈશ્વિક કક્ષાની લડાઇ દળમાં પરિવર્તન આપવાનું છે.
ભૂતકાળમાં, ચીની સરકારી મીડિયાએ લાઇવ-ફાયર ડ્રિલ દરમિયાન દુશ્મનના લક્ષ્યોને કચડી નાખવા માટે અનેક મિસાઇલોનું લોન્ચિંગનું એક ફૂટેજ પણ જાહેર કર્યું હતું.
પૂર્વી લદ્દાખમાં ભારત સાથે પણ ચાલી રહ્યો છે વિવાદ
પૂર્વી લદ્દાખમાં સીમાને લઈને ભારત અને ચીનની વચ્ચે તણાવ ચાલી રહ્યો છે ત્યારે બંને દેશોમાં સ્થિતિને જોતાં ચીનના રાષ્ટ્રપતિ શી જિનપિંગે સશસ્ત્ર બળે વાસ્તવિક યુદ્ધની સ્થિતિમાં પ્રશિક્ષણને મજબૂત કરવા અને સાથે યુદ્ધ જીતવા માટે પોતાની ક્ષમતા વધારવા માટે આદેશ આપ્યો છે. સત્તારૂઢ કમ્યુનિસ્ટ પાર્ટીએ પીપુલ્સ લિબરેશન આર્મીને 2027 સુધી અમેરિકાની સેનાની બરાબર ક્ષમતા બનાવવાની યોજના કરી છે.
મે મહિનાથી સરહદ પર ચાલી રહ્યો છે તણાવ
સત્તારૂઢ કમ્યુનિસ્ટ પાર્ટી ઓફ ચાઈનાના નેતૃત્વ કરનારા અને લાંબા સમયથી રાષ્ટ્રપતિ પદ પર કાયમ રહેનારા 67 વર્ષના શી જિનપિંગ સેન્ટ્રલ મિલિટ્રી કમિશનના અધ્યક્ષ પણ છે. જે દેશના 20 લાખ સૈનિકોની ક્ષમતા વાળી સેનાના સર્વોચ્ચ કમાન છે. અહીં સ્પષ્ટ કરી દેવું જોઈએ કે ભારત અને ચીનની વચ્ચે મે મહિનાથી તણાવની સ્થિતિ ચાલી રહી છે અને તેને ઘટાડવા માટે લગભગ 8 વખત ચર્ચાઓ થઈ ચૂકી છે. મળતા રિપોર્ટ અનુસાર સીએમસીની બેઠકમાં શી જિનપિંગે નવા સમય માટે સેનાને મજબૂત કરવાની સાથે સૈન્ય રણનીતિ પર પાર્ટીના વિચારોને લાગૂ કરવા પર ભાર મૂક્યો છે.