અમેરિકી પ્રતિનિધિ સભાના અધ્યક્ષ નેન્સી પેલોસીની તાઈવાન યાત્રા બાદ ચીન બરાબરનું ભુરાયુ થયું છે અને હવે તેમણે નેન્સી પેલોસી અને તેમના પરિવાર પર પ્રતિબંધ લગાવી દીધો છે.
ચીને અમેરિકાના નેન્સી પેલોસી અને તેમના પરિવાર પર પ્રતિબંધ લગાવ્યો
તાજેતરમાં જ નેન્સી પેલોસીએ તાઈવાનની કરી હતી મુલાકાત
આ મુલાકાતને ચીન પોતાના આંતરિક મામલામાં દખલગીરી ગણાવી રહ્યું છે
ચીનના વિદેશ મંત્રાલયના પ્રવક્તાએ શુક્રવારે જણાવ્યું હતું કે, બેઈઝિંગે અમેરિકી પ્રતિનિધિ સભાના અધ્યક્ષ નેન્સી પેલોસી અને તેમના પરિવારના સભ્યો પર પ્રતિબંધ લગાવાનો નિર્ણય કર્યો છે. ચીનના સરકારી મીડિયા હાઉસ આ સમાચારની પુષ્ટિ કરી છે. આપને જણાવી દઈએ કે, પેલોસી પોતાના એશિયા પ્રવાસ દરમિયાન તાઈવાનની મુલાકાતે પહોંચ્યા હતા. તેને લઈને ચીન ભારે ગુસ્સામાં છે. તાઈવાનને ચીન પોતાનો એક અલગ પ્રાંત માને છે અને સ્પષ્ટ કહ્યું છે કે, સમય આવવા પર તે આ દ્વિપક્ષીય દેશ પોતાનામાં ભેળવી દેશે.
અમેરિકા દખલગીરી કરતું હોવાનો લગાવ્યો આરોપ
ચીને નેન્સી પેલોસીની તાઈવાન યાત્રાને પોતાના આંતરિક બાબાતોમાં અમેરિકાની દખલગીરી માની રહ્યું છે અને તેના કારણે રાષ્ટ્રપતિ શી જિનપીંગ ખૂબ જ નારાજ હોવાનું કહેવાય છે. તો વળી તાઈવાન ખુદ એક સ્વતંત્ર અને સંપ્રભુ રાષ્ટ્ર તરીકે ઊભરી રહ્યું છે અને ચીન પર વિસ્તારવાદી હોવાનો આરોપ લગાવે છે. દુનિયાના મોટા ભાગના દેશો પરોક્ષ અથવા અપ્રત્યક્ષ ીતે તાઈવાનના સ્ટેન્ડ સાથએ ધરોબો ધરાવો છે. જેનાથી ચીનને ભારે મરચા લાગેલા છે. અમેરિકાનું કહેવુ છે કે, શી જિનપીંગના નેતૃત્વમાં ચીન, તાઈવાન સાથે એ જ કરવાની ફિરાકમાં છે, જેવું પુતિને યુક્રેન સાથે કર્યું.
તાઈવાનને ડરાવવાની કોશિશ કરી રહ્યુ છે ચીન
નેન્સી પેલોસી જેવા તાઈવાનમાંથી બહાર નિકળ્યા કે, ચીને તાઈવાનની આસપાસ જળ વિસ્તારમાં ઘાતક મિસાઈલો ગોઠવી દીધી હતી. જો કે, ચીનનું કહેવુ છે કે, આ મિસાઈલો તેમના સૈન્ય અભ્યાસનો એક ભાગ છે, પણ અમેરિકા માની રહ્યું છે કે, બેઈઝિંગ તાઈવાનને પોતાની સૈન્ય તાકાત બતાવીને ડરાવાની કોશિસ કરી રહ્યું છે. ચીની કમ્યુનિસ્ટ પાર્ટીના અખબાર ગ્લોબલ ટાઈમ્સે દાવો કર્યો છે કે, પીપુલ્સ લિબરેશ આર્મીએ ગુરૂવારે મોટા પાયે સૈન્ય અભ્યાસ કર્યો, આ દરમિયાન તાઈવાન દ્વીપને સંપૂર્ણપણે લોક કરી દેવામાં આવ્યું હતું. ગ્લોબલ ટાઈમ્સનું કહેવુ છે કે, નેન્સી પેલોસીને ચીનની સંપ્રભુતાનું ઘોર ઉલ્લંઘન કરીને તાઈવાનનો પ્રવાસ કર્યો છે.