ગતિવિધિ / EXCLUSIVE: ગુજરાત બોર્ડરથી માત્ર 25 km દૂર પાકિસ્તાનમાં ચીને બનાવી એરસ્ટ્રીપ, જોઇલો પુરાવા

• ગુજરાત-પાકિસ્તાન બોર્ડર પર ચીનની ગતિવિધિ તેજ
• પાકિસ્તાન ગુજરાત સરહદે ચીનને કરી રહ્યું છે મદદ
• ગુજરાત બોર્ડર નજીક ચીને એરસ્ટ્રીપ બનાવી 

પૂર્વી લદ્દાખમાં ડ્રેગનની નાપાક હરકત બાદ હવે ભારત સંપૂર્ણ પણે સતર્ક બની ગયું છે. LAC પર વિવાદ બાદ પણ ચીનના લડાકૂ વિમાન અને હેલિકોપ્ટર જોવા મળતા હવે ભારતે પણ પોતાના ઉચ્ચ મારક ક્ષમતા વાળા હથિયારો LAC પર તૈનાત કરી દીધા છે. પરંતુ VTVના હાથમાં વધુ એક એક્સક્લુઝીવ માહિતી લાગી છે. જે પાકિસ્તાન અને ચાઈનાની ગુપ્ત અને નાપાક તૈયારીઓની છે. જેની ભનક લાગતા ભારતે ગુજરાત સરહદે પણ જવાનોની સંખ્યા વધારી લીધી છે.

ભારત-ચીન વચ્ચે LAC પર તણાવની સ્થિતિ છે, ત્યારે હવે પાકિસ્તાન ગુજરાત સરહદે ચીનને મદદ કરી રહ્યું છે. આ અંગે VTV પાસે EXCLUSIVE પુરાવા મળ્યા છે. ચીને પાકિસ્તાનની મદદથી ગુજરાત બોર્ડર નજીક એરસ્ટ્રીપ બનાવી છે. આ એરસ્ટ્રીપ ગુજરાતથી માત્ર 25 કિલોમીટર જ દૂર છે.

આ એરસ્ટ્રીપ ગુજરાત નજીક મીઠી ગામ પાસે બનાવી છે. આ એરસ્ટ્રીપ પર ચીન ઓઇલ કંપનીઓનો કબજો છે. ઓઇલ ડ્રીલીંગ અને માઇન્સના ઓથો હેઠળ સ્ટ્રીપ બનાવાઇ છે. નાપાક પાકિસ્તાન ચીનને મદદ કરી રહ્યું છે. ચીનનો ભારતેને ઘેરવા માટેનો પ્રયાસ કરવામાં આવી રહ્યો છે.

જુઓ એર સ્ટ્રીપના દ્રશ્યો...