કોવિડ-19ની વેક્સીનની દોડમાં રશિયા પછી ચીન દ્વારા પણ ટૂંક સમયમાં બહાર પાડવામાં આવી શકે છે. વૈશ્વિક સ્તર પર બંને દેશોને વેક્સીનને ભલે મંજૂરી ન મળી હોય, પરંતુ ઇન્ટરનલી બંને વેક્સીનના ઉત્પાદન તરફ આગળ વધી રહ્યું છે. રશિયાએ જ્યાં પોતાની વેક્સીન Sputnik V ની પહેલી બેંચ તૈયાર કરી દીધી છે. ત્યારે ચીને પણ Cansino Biologics Incને પોતાની વેક્સીન Ad5-NCOV ની પેટન્ટ આપી દીધી છે. આમ રશિયા પછી ચીને પણ વેક્સીનને લીલી ઝંડી આપી છે. બીજી તરફ વિશ્વ આરોગ્ય સંસ્થા દ્વારા જણાવામાં આવ્યું છે કે કોરોના વેક્સીન તૈયાર થવામાં હજી એક વર્ષ જેટલો સમય લાગી શકે છે.
યૂકેમાં ટ્રાયલ માટે 1 લાખ વોલિન્ટિયર્સ આગળ આવ્યાં
યૂનાઇટેડ કિંગડમમાં કોરોના વાયરસ વેક્સીન ટ્રાયલ માટે અંદાજે 1,00,000 લોકોએ રસ દાખવ્યો છે. વેક્સીન ટાસ્ક ફોર્સના હેડ કેટ બિંઘમે કહ્યું કે જો આપણે જલ્દી વેક્સીન શોધવી હોય તો અલગ-અલગ બેકગ્રાઉન્ડના બીજા ઘણા લોકોની જરૂરિયાત પડશે. રિસર્ચ માટે 65 વર્ષથી વધારે અશ્વેત, એશિયા અને અલ્પસંખ્યક બેકગ્રાઉન્ડવાળા લોકોને આગળ આવવા અપીલ કરી છે.
ચીને CanSino ને આપી પેટન્ટ
ચીનની વેક્સીન સ્પેશિયલ કંપની CanSino Biologics Incને તેની કોવિડ વેક્સીન Ad5-nCOV માટે પેટન્ટની મંજૂરી મળી ગઇ છે. ત્યાં ના સરકારી મીડિયા અનુસાર આ દેશની પહેલી વેક્સીન છે જેની પેટન્ટ મળી છે. CanSinoની વેક્સીન શરદી-તાવના વાયરસનું એક મોડીફાઇડ વર્જન છે જેમાં નવા કોરોના વાયરસનું જેનેટિક મટીરિયલ નાંખવામાં આવ્યું છે.
રશિયામાં વેકસીનની પહેલી બેચ તૈયાર
રસિયા કોવિડ-19 વેક્સીની Sputnik V ની પહેલી બેચ તૈયાર થઇ ગઇ છે. આરોગ્ય મંત્રાલયના જણાવ્યાં મુજબ આ મહીનાના અંત સુધીમાં આ વેક્સીન ઉપયોગ માટે ઉપલબ્ધ થઇ જશે. રશિયાના રાષ્ટ્રપતિ પુતિન પહેલા પણ દાવો કરી ચૂક્યાં છે કે વેક્સીન સંપૂર્ણ રીતે કારગર છે અને તેની એક દીકરીને પણ રસી આપવામાં આવી છે.
આ વેક્સીનનું ઉત્પાદન કરવા માટે ભારતની કેટલીક કંપનીઓ સાથે વાતચીત કરવામાં આવી રહી છે. રશિયન ડાયરેક્ટ ઇનવેસ્ટમેન્ટ ફંડ (RDIF)ની કેટલીક ભારતીય કંપનીઓ સાથે વાતચીત ચાલી રહી છે. રશિયાએ 5 દેશમાં દર વર્ષે 500 મિલિયન ડોઝ તૈયાર કરવાનો પ્લાન બનાવ્યો છે.
વેક્સીન આવવામાં હજી પણ એક વર્ષ લાગશેઃ WHO
WHOના વૈજ્ઞાનિકના ચીફ સૌમ્યા સ્વામીનાથને કહ્યું કે ભારતમાં વેક્સીનનું ટ્રાયલ પહેલા તબક્કામાં છે. વેક્સીનને સંપૂર્ણ રીતે તૈયાર થવામાં હજુ ઓછામાં ઓછો એક વર્ષ લાગી શકે છે. ચેન્નાઇમાં પત્રકારો સાથેની વાતચીત કરતાં કહ્યું કે 'ભારતમાં અલગ-અલગ કંપનીઓ 8 વેક્સીન તૈયાર કરી રહી છે.
આમ તો વેક્સીન તૈયાર કરવામાં 5 થી 10 વર્ષ સુધીનો સમય લાગી શકે છે, પરંતુ કોરોના વાયરસ મહામારીના કારણે ઓછામાં ઓછો 1.5 વર્ષનો સમય લાગશે' રશિયાની વેક્સીન અંગેની સંપૂર્ણ માહિતી ન મળવાના કારણે WHO તેને નામંજૂર કરી ચૂક્યું છે.