નવી પેઢીનું નેટવર્ક 5G નું ટેસ્ટિંગ ઘણા દેશોમાં થઇ રહ્યું છે. થોડાક મહિના પહેલા જ સેમસંગે પોતાનો પહેલો 5G સ્માર્ટફોન સાઉથ કોરિયામાં લૉન્ચ કર્યો હતો, તો બીજી બાજુ સેમસંગ ઉપરાંત ચિપસેટ નિર્માતા કંપની ક્વૉલકૉમ અને હુવાવે જેવ કંપનીઓ પણ 5Gને લઇને કામ કરી રહી છે.
આ વચ્ચે ચીને દેશમાં 5G ના વ્યવસાયિક ઉપયોગને લઇને લીલી ઝંડી આપી દીધી છે. ચીનના ઉદ્યોગ અને સૂચના પ્રૌધોગિરી મંત્રાલયે ગુરુવારે વ્યાપારિક ઉપયોગ માટે 5G લાયસન્સને મંજૂરી આપી દીધી છે. એવામાં એને ચીન ટેલીકૉમ ક્ષેત્રમાં એક નવા યુગનો આરંભ કહેવામાં આવશે.
જણાવી દઇએ કે તાજેતરમાં કેન્દ્રીય દૂરસંચાર મંત્રી રવિશંકર પ્રસાદે સોમવારે પદ ગ્રહણ કર્યા બાદ કહ્યું હતું કે અમારો પહેલો લક્ષ્ય 100 દિવસની અંદર દેશમાં 5g ટ્રાયલ શરૂ કરવાનો છે. એમને કહ્યું કે સરકાર આ વર્ષે 5g સ્પેક્ટ્રમની હરાડી કરવા માટે પ્રતિબદ્ધ છે.
સાથે જ ગણા રેડિયો ફ્રિકવેન્સીની પણ નિલામી કરવામાં આવશે. ટ્રાઇએ પણ 5G સહિત આશરે 8644 મેગાહર્ટ્ઝ ટેલિકૉમ ફ્રીકવેન્સીની નિલામીની ભલામણ મોકલી હતી. એનાથી આશરે 5 લાખ કરોડ રૂપિયા મળે એનું અનુમાન છે.