ચીનના રાજદૂત સુન વેઇડૉન્ગ (Sun Weidong) એ કહ્યું કે તેમનો દેશ કોરોનાવાયરસ (Coronavirus) વિરુદ્ધ ભારતની મદદથી ઘણો ભાવુક છે. તેઓએ કહ્યું કે આ ચીન માટે મુશ્કેલ સમય છે. એવામાં હું ભારતીય મિત્રો તરફથી કરવામાં આવી રહેલી મદદથી ઘણો ભાવુક થયો છું. આ તમામે મને એ સમયની યાદ અપાવી છે, જ્યારે ડૉ. કોટનિસે મોટી સંખ્યામાં ચીની નાગરિકોના જીવ બચાવ્યા હતા.
હું ભારતીય મિત્રો તરફથી કરવામાં આવી રહેલી મદદથી ઘણો ભાવુક થયો છું છ : સુન
1940ના યુદ્ધમાં ડૉ. કોટનિસે મોટી સંખ્યામાં ચીની નાગરિકોના જીવ બચાવ્યા હતા
તેઓએ ચીનના લોકોના મુક્તિ આંદોલનમાં મદદ કરી હતી. ભારતના ડૉક્ટર દ્વારકાનાથ કોટનિસ (Dr. Dwarkanath Kotnis) એ 1940માં જાપાન (Japan) ની સાથે યુદ્ધ દરમિયાન ઘાયલ ચીની સૈનિકોની સારવારમાં મદદ કરી હતી. આ દરમિયાન તેમનું મૃત્યુ થઇ ગયું હતું.
ભારતે ચીનને સંભવ તમામ મદદ કરવાનો વિશ્વાસ અપાવ્યો
ચીનના લોકો ડૉ. કોટનિસને મહાન વ્યક્તિ તરીકે આજે પણ યાદ કરે છે. રાજદ્વારી સુન (Ambassador Sun) એ કહ્યું કે ભારતે કોરોના વાયરસની વિરુદ્ધ લડાઇમાં ચીનને સંભવ તમામ મદદ કરવા તૈયાર હોવાનો વિશ્વાસ અપાવ્યો છે. ભારતે 2003માં સાર્સ (SARS) ના ફેલાવા પર પણ ચીનની મદદ કરી હતી.
PM મોદીએ રાષ્ટ્રપ્રમુખ જિનપિંગને લખ્યો પત્ર
સુને કહ્યું કે હાલમાં જ પીએમ મોદીએ ચીનના રાષ્ટ્રપ્રમુખ શી જિનપિંગને એક પત્ર લખ્યો હતો. તેમા એમણે કોરોના વાયરસથી લડવા માટે ચીનની સરકારના પ્રયાસોની પ્રશંસા કરી છે. તેઓએ વિશ્વાસ અપાવ્યો કે ચીન કોરોના વાયરસનો સામનો કરવામાં સફળ થશે. તેના માટે ચીનની સરકારે 8,176 કરોડ રૂપિયા ફાળવ્યા છે.
ચીને મદદ કરનારા 57 દેશોનું લિસ્ટ જાહેર કર્યું
કોરોના વાયરસની શરૂઆત ચીનના વુહાન (Wuhan) શહેરથી ડિસેમ્બર 2019માં થઇ હતી. અત્યાર સુધીમાં 72,000થી વધારે લોકો તેના ઝપેટમાં આવી ચૂક્યા છે. એકલા ચીનમાં જ કોરોના વાયરસથી 1,900 લોકોના મોત થયા છે. ગત સપ્તાહે ચીને કોરોના વાયરસથી લડવા માટે આર્થિક મદદ કરનાર દેશોની લિસ્ટ જાહેર કરી હતી. જોકે તેમા ભારતનું નામ નહોતું.
ચીનના વિદેશ મંત્રાલયની તરફથી શુક્રવારે જાહેર કરાયેલ લિસ્ટમાં 57 દેશોના નામ હતા. તેમાંથી 33 દેશોએ મેડિકલ મદદ કરી છે. જ્યારે 17 દેશો તેની રજૂઆત કરી છે. 7 દેશોએ આર્થિક મદદની રજૂઆત કરી છે. ભારતીય રાજદૂત વિક્રમ મિસરીએ રવિવારે જણાવ્યું કે ચીનને મેડિકલ સ્ટાફ માટે માસ્ક, ગ્લબ્સ, અને સુટ્સની જરૂર છે. ભારત બીજિંગની મદદ માટે મેડિકલ મદદ મોકલી રહ્યું છે.