દુનિયામાં કોરોના સંક્રમિતોનો આંકડો ચાર કરોડથી વધુ થઇ ગયો છે. અત્યાર સુધી ૩,૦૧,૧૧,૭૪૮ દર્દીઓ રિકવર થયા છે. સંક્રમણથી અત્યાર સુધી ૧૧.૧૮ લાખથી વધુ લોકોનાં મોત થયાં છે. ચીનમાં તેની ઇમર્જન્સી કોરોના વેક્સિનનો તેના જ ત્રણ શહેરમાં ઉપયોગ કરવાની પરવાનગી આપી છે. તેના નામ યિવુ, નિગંબો અને શેઓક્સિંગ છે.
દુનિયામાં કોરોના સંક્રમિતોનો આંકડો ચાર કરોડથી પાર
ચીનમાં તેની ઇમર્જન્સી કોરોના વેક્સિનને આપી પરવાનગી
આ તમામ શહેર જેઝિયાંગ રાજ્યમાં છે. પહેલાં ફ્રંટલાઇન વર્કર્સને વેક્સિન અપાશે. ત્યાર બાદ સામાન્ય લોકોની વચ્ચે વેક્સિનેશન ડ્રાઇવ ચલાવાશે. ચીનમાં ૧૧ વેક્સિન તૈયાર કરવામાં આવી છે. તે તમામ ટ્રાયલના અલગ અલગ સ્ટેજમાં છે. તેમાંથી કેટલીક વેક્સિનને ઇમર્જન્સીમાં ઉપયોગની પરવાનગી અપાઇ છે. બાકીને હજુ મંજૂરીની રાહ છે. અત્યાર સુધી ચીનમાં ૮૫,૦૦૦થી વધુ સંક્રમિત મળી આવ્યા છે અને ૪,૬૩૪ મૃત્યુ થયાં છે.
ઇઝરાયલના વડા પ્રધાને પણ કરી જાહેરાત
ઇઝરાયલમાં સંક્રમણના કેસમાં ઘટાડો થયા બાદ પ્રતિબંધોમાં રાહત અપાશે. વડા પ્રધાન બેન્ઝામીન નેતન્યાહુએ રવિવારે તેની જાહેરાત કરી હતી. હવે લોકોને એક કિલોમીટરના વિસ્તારમાં આવવા જવા દેવાશે. રેસ્ટોરન્ટથી ડિલિવરી ઉપરાંત ટેક આઉટની સુવિધા મળશે. બીચ પર જવાની પરવાનગી પણ અપાઇ છે.
વડા પ્રધાને કહ્યું કે લોકો સરકાર તરફથી જારી દિશાનિર્દેશોનું પાલન કરે. આશા છે કે આપણને અર્થવ્યવસ્થાની ગાડી પાટા પર લાવવામાં મદદ મળશે. જો એવું લાગશે કે સંક્રમણના કેસ ઘટતા નથી તો ફરી વખત પ્રતિબંધો મૂકવામાં આવશે. રશિયાની રાજધાની મોસ્કોમાં છેલ્લા ૨૪ કલાકમાં ૫૦ સંક્રમિતો મોતને ભેટ્યા છે. આ સાથે અહીં મૃત્યુઆંક ૬,૦૦૦ને પાર થઇ ગયો છે.