કોરોનાના કેસોમાં અચાનક ઉછાળો આવતા ચીનની રાજધાની બેઈજિંગમાં સંપૂર્ણ લોકડાઉન લગાડી દેવાયું છે.
ચીનમાં કોરોનાના કેસમાં અચાનક ઉછાળો
રાજધાની બેઈજિંગમાં સંપૂર્ણ લોકડાઉન
બહારથી લોકોની અવરજવર પર પ્રતિબંધ
દુનિયામાં કોરોના ફેલાવનાર ચીનની હાલત કફોડી થઈ
જિનપિંગ સરકાર નવા કેસ અંગે ચિંતિત છે. આરોગ્ય અધિકારીઓએ આશંકા વ્યક્ત કરી છે કે આગામી દિવસોમાં કેસો વધુ ઝડપથી વધવાના છે. નેશનલ હેલ્થ કમિશનના અધિકારી વુ લિયાંગયુએ રવિવારે જણાવ્યું હતું કે દેશમાં હાલનો ચેપ ડેલ્ટા વેરિએન્ટ મારફતે વિદેશથી આવી રહ્યો છે. રવિવારે દેશભરમાં ૪૩ નવા કેસ નોંધાયા છે. તેમાંથી ચાર ને સ્થાનિક દર્દીઓના સંપર્કથી ચેપ લાગ્યો છે.કમિશનના પ્રવક્તા એમઆઈ ફેંગે જણાવ્યું હતું કે સંક્રમણની લહેર ૧૭ ઓક્ટોબરથી એક અઠવાડિયામાં ૧૧ પ્રાંતોમાં ફેલાયું હતું. મોટાભાગના ચેપગ્રસ્ત લોકોનો ક્રોસ-રિજન પ્રવાસની હિસ્ટ્રી ધરાવે છે. તેમણે રોગચાળાગ્રસ્ત વિસ્તારોને "ઇમરજન્સી મોડ" અપનાવવા વિનંતી કરી હતી.
બસ-ટેક્સી સેવાઓ સ્થગિત
પરિવહન મંત્રાલયના એક અધિકારી ઝોઉ મિનના જણાવ્યા અનુસાર રાજધાની લાન્ઝોઉ અને આંતરિક મંગોલિયા સહિત ગાન્સુ પ્રાંતોના કેટલાક શહેરોમાં ચેપ લાગવાને કારણે બસ-ટેક્સી સેવાઓ સ્થગિત કરવામાં આવી છે. નેશનલ હેલ્થ કમિશનના જણાવ્યા અનુસાર ચીને શનિવારે 26 નવા કેસોની પુષ્ટિ કરી હતી. તેમાં આંતરિક મંગોલિયામાં સાત, ગાન્સુમાં છ, નિંગઝિયામાં છ, બેઇજિંગમાં ચાર, હેબેઈમાં એક, હુનાનમાં એક અને શાંક્સીમાં એકનો સમાવેશ થાય છે. હુનાન અને યુનાનમાં અન્ય ચાર સ્થાનિક લક્ષણોના કેસ નોંધાયા હતા.
બેઇજિંગ-વુહાનમાં મેરેથોન રદ
રાજધાની બેઇજિંગમાં ત્રણ જિલ્લાઓ સહિત હાડિયનમાં સંક્રમણ ફેલાઈ ગયું છે. બેઇજિંગમાં 31 ઓક્ટોબરની મેરેથોન રદ કરવામાં આવી છે. ચીને તેની લગભગ 75.6 ટકા વસ્તીને કોવિડ-19 રસીઓનો સંપૂર્ણ ડોઝ આપ્યો છે. ચીન એવા પુખ્ત વયના લોકોને બુસ્ટર શોટ્સ આપી રહ્યું છે જેમનો છેલ્લો ડોઝ ઓછામાં ઓછો છ મહિના પહેલા હતો, જેમાં આવશ્યક કામદારો, વૃદ્ધ લોકો અને નબળી રોગપ્રતિકારક શક્તિ ધરાવતા લોકો સહિતના પ્રાથમિકતા જૂથોનો સમાવેશ થાય છે.