અમેરિકા અને ચીન વચ્ચે ચાલી રહેલા ટ્રેડ વોરની અસર ચીનના GDP પર થઈ.ચીનનો GDP ગ્રોથ રેટ છેલ્લા 9 વર્ષની સૌથી નીચલી સપાટીએ જોવા મળ્યો. ચીન સરકાર દ્વારા જાહેર કરવામાં આવેલા આંકડાઓ મુજબ જુલાઈથી સપ્ટેમ્બર ત્રિમાસિક દરમિયાન ચીનનો GDP ગ્રોથ રેટ માત્ર 6.5 ટકા જ નોંધાયો.
ચીનના નેશનલ બ્યૂરો ઓફ સ્ટેટેસ્ટિક્સ મુજબ વૈશ્વિક અર્થવ્યવસ્થા પર છવાયેલા આર્થિક સંકટના પગલે GDP ગ્રોથ રેટ ઘટ્યો છે. તો બ્યૂરોએ આ ઘટાડા પાછળ અમેરિકાનો પ્રભાવ અને ચીન સરકાર પર સતત વધી રહેલા દેવાને જવાબદાર ગણાવ્યું.
ઉલ્લેખનીય છે કે હાલના નાણાંકીય વર્ષમાં જાન્યુઆરીથી સપ્ટેમ્બર દરમિયાન ચીન સરકારે ઈન્ફ્રા વિસ્તારમાં પુલ રેલવે અને હાઈવે બનાવવા મોટા પ્રોજેક્ટ શરૂ કર્યા છે. આ જ પ્રોજેક્ટમાંનો એક ચીનનો મહત્વકાંક્ષી વન બેલ્ટ વન રોડ પરિયોજના પણ સામેલ છે. પણ હવે વન બેલ્ટ વન રોડ યોજના પર પણ સંકટ સામે આવ્યું છે.