પ્રસ્તાવ પરત / યુએનમાં ચીનને કાશ્મીર મુદ્દે મળી પછડાટ, આ દેશોએ ભારતને આપ્યું સમર્થન

• UNમાં ચીન કશ્મીર ચર્ચા લાવવા માંગતુ હતુ પ્રસ્તાવ
• UN સભ્યોએ વિરોધ કરતા ચીને પ્રસ્તાવ પરત લીધો
• અમેરિકા, ફ્રાંસ, બ્રિટન, રશિયાનુ ભારતને સમર્થન

કાશ્મીરની સ્થિતિ પર ચીને યુનાઈટેડ નેશન સિક્યોરિટી કાઉન્સિલમાં બંધ રૂમમાં ચર્ચા માટે પ્રસ્તાવ મુક્યો હતો. જે મામલે ચીને પછડાટ મળી છે. જે બાદ ચીને પોતાનો પ્રસ્તાવ પાછો ખેંચી લીધો છે.

સિક્યોરિટી કાઉન્સિલના સભ્ય અમેરિકા, ફ્રાંસ, બ્રિટેન અને રશિયાના વિરોધ બાદ ચીને પોતાનો પ્રસ્તાવ પાછો ખેંચી લીધો છે. UNSCના અધ્યક્ષે ચીનના સમર્થનવાળા પ્રસ્તાવને રોકવાની આગેવાની કરી. 

એક મીડિયા રીપોર્ટ અનુસાર ચીનના UNSC માં કાશ્મીર મુદ્દા ઉઠાવવાની અરજી પાકિસ્તાનના વિદેશ મંત્રી શાહ મહેમૂદ કુરેશી દ્વારા તેની અધ્યક્ષ અમિરેકાના રાજદૂત કેલી ક્રાફ્ટને પત્ર લખ્યા બાદ કરવામાં આવી હતી.

કુરેશીએ પત્રમાં આરોપ લગાવ્યો છે કે ભારત પાકિસ્તાનના ભાગલા કરવાની તૈયારી કરી રહ્યું છે. કુરેશીએ એ પણ આરોપ લગાવ્યો છે કે ભારતે સરહદ રેખાના પાંચ સેકટરમાં આશ્ચર્યજનક રીતે તારને હટાવી દીધા છે. કુરેશીએ જણાવ્યું કે ભારત એક ખોટુ ઓપરેશન ચલાવી રહ્યું છે.  

ફ્રાંસે કહ્યું કે કશ્મીરનો મામલો ભારત અને પાકિસ્તાન વચ્ચેનો છે. ભારત સિક્યોરિટી કાઉન્સિલનું સભ્ય નથી જેથી આ ચર્ચામાં ભારત સામેલ ન હતું. UNSCમાં આ મામલે  બ્રિટેને પ્રથમ વાર ભારતનો સાથ આપ્યો છે.

આ સાથે જ રશિયાએ કહ્યું કે ફોરમમાં આ મામલે ચર્ચા થવી ન જોઈએ.  જ્યારે બીજી તરફ ઈન્ડોનેશિયાએ કહ્યું કે આ મામલો ભારતનો આંતરિક મુદ્દો છે. કાશ્મીર મામલે ચર્ચા કરીને ચીન ભારત પર દબાણ બનાવવા માગતું હતું. જોકે ચીનની આ ચાલ અહીં નિષ્ફળ થઈ ગઈ છે.