Social Media પર એક વીડિયો ઝડપથી વાયરલ થઈ રહ્યો છે.જેમાં ચાઈનાના હેનાન પ્રાંતમાં પ્રદર્શનકારીઓને બેંકમાં ઘૂસતા અટકાવવા બેંકની આસ-પાસ ટેન્ક ઉભી કરાઈ છે.
ચીનની અર્થવ્યવ્સથા આ સમયે ગંભીર સંકટમાં પસાર થઈ રહી છે
કહેવામાં આવી રહ્યું છે કે, વાયરલ વીડિયો હેનાન પ્રોવિન્સ પ્રાંતનો છે
બેન્કોએ એપ્રિલમાં ગ્રાહકોના એકાઉન્ટ સિઝ કરી દીધા હતાં
ચીનની અર્થવ્યવસ્થા હવે એવા તબક્કે પહોંચી ગઈ છે કે તે ગમે ત્યારે પડી શકે છે
ચીનમાંથી હવે જે સમાચાર આવી રહ્યા છે તે સૂચવે છે કે ચીનની અર્થવ્યવસ્થા હવે એવા તબક્કે પહોંચી ગઈ છે કે તે ગમે ત્યારે પડી શકે છે. ચીનની બેંકિંગ સિસ્ટમની દયનીય સ્થિતિનો અંદાજ એ વાત પરથી લગાવી શકાય છે કે હેનાન પ્રાંતમાં બેંક ઓફ ચાઈનાની શાખાની સુરક્ષા માટે સરકારે રસ્તા પર ટેન્ક તૈનાત કરવી પડી છે. બેંક દ્વારા લોકોને પૈસા પરત કરવાની ના પાડતા છેલ્લા ઘણા અઠવાડિયાથી પોલીસ અને લોકો વચ્ચે ઘર્ષણ ચાલી રહ્યું છે.
#China deploys tanks on the streets to crush protests by bank depositors demanding their money amid a massive bank scam.
Large-scale protests are being held in the province by bank depositors over the release of their frozen funds pic.twitter.com/MWPRvPB5pK
ચીનના હેનાન પ્રાંતમાં કેટલીક નાની બેંકો નાદારીના આરે
આ વર્ષે એપ્રિલમાં, ચીનના હેનાન પ્રાંતમાં કેટલીક નાની બેંકો, $6 બિલિયન (40 બિલિયન યુઆન)ની સંયુક્ત સંપત્તિ અને લગભગ 400,000 ગ્રાહકો સાથે, નાદાર થઈ ગઈ. ચીનમાં લગભગ 4,000 વધુ નાની અને મધ્યમ કદની બેંકોમાં ગેરવહીવટ, ભ્રષ્ટાચાર, નબળા નિયમન અને નબળા જોખમ સંચાલન કરી રહી છે. આ બેંકોની હાલત પણ એક દિવસ હેનાન પ્રાંતની બેંકો જેવી જ થવાની છે.
ચીનનો વિકાસ થોભી ગયો
એક મીડિયા રિપોર્ટ અનુસાર ચીનમાં 2009થી લોન આધારિત વૃદ્ધિની વ્યૂહરચના લાગુ કરવામાં આવી રહી છે. આ કારણોસર, આજે ચીનની બેંકિંગ સિસ્ટમ 264% ના લોન-જીડીપી રેશિયો પર બેઠી છે. વાસ્તવમાં, કોઈપણ દેવું-આધારિત વૃદ્ધિમાં વૃદ્ધિ એ સૌથી મોટું પરિબળ છે જે સમગ્ર ચક્રને ચલાવે છે. છેલ્લા બે વર્ષમાં કોવિડના કારણે ચીનના વિકાસનું પૈડું ધીમુ પડ્યું છે. આ વર્ષના બીજા ક્વાર્ટરમાં ચીનની અર્થવ્યવસ્થાનો વિકાસ દર ઘટીને 0.4% પર આવી ગયો છે. ચીનની સ્થાનિક સરકારોની આવકમાં આ વર્ષે 6 ટ્રિલિયન યુઆનનો ઘટાડો થવાનો અંદાજ છે.
ડૂબતું રિયલ એસ્ટેટ સેક્ટર
ચીનમાંથી જે સંકેતો મળી રહ્યાં છે. તે જણાવી રહ્યાં છે કે, ચીનમાં હાલ બધુ બરાબર ચાલી રહ્યું નથી. જૂન સતત 10મો મહિનો છે જ્યારે ચીનમાં પ્રોપર્ટીના કિંમતોમાં ઘટાડો થયો છે. 1990 બાદ ખાનગી પ્રોપર્ટી માર્કેટમાં આ સૌથી લાંબી મંદી છે. ચીનની સૌથી મોટી રિયલ એસ્ટેટ કંપની એવરગ્રેન્ડની હાલત અત્યંત દયનીય છે. કંપની પર 300 અરબ ડોલરથી વધુની દેવું ચુકવાનું બાકી છે. અને એણે ઘણાં બોન્ડની ચુકવણીમાં કરવામાં પહેલા ડિફોલ્ટ શરૂ કરી દીધું છે. એવરગ્રેન્ડના 1300 થી વધુ પ્રોજ્કે્ટ છે. કંપની કુલ સંપત્તિ 2 ટ્રિલિયન યુઆન છે. જે ચીનની જીડીપીના 2 ટકા જેટલો છે. એવરગ્રેન્ડની આ હાલત ચીનની પૂરી રિયલ એસ્ટેટ ઈન્ડસ્ટ્રીને ડૂબાડી દીધી છે. રિયલ એસ્ટેટ સેક્ટરની ભાગીદારી ચીનની જીડીપીમાં 12 ટકા છે. આ માટે એવરગ્રેન્ડ જો નાદાર જાહેર થઈ તો તેની અસર પૂરા ચીનની અર્થવ્યવસ્થા પર જોવા મળશે
કોલસાની અછતથી ઉત્પાદન પ્રભાવિત
ચીન કોલસાની અછત પણ ભારે ઝઝૂમી રહી છે. સપ્રમાણમાં વીજળી ન હોવાથી ચીનના ઔદ્યોગિક ક્ષેત્રોમાં કલાકો સુધી વીજળી ડુલ થઈ જાય છે. તેની વચ્ચે ચીનના મૈન્યુફૈક્ચરિંગ સેક્ટર ખરાબ રીતે પ્રભાવિત થયું છે.ચીન પોતાની મૈન્યુફૈક્ચરિંગ માટે કાચો માલ દુનિયાના ઘણા દેશો પાસેથી લઈ રહ્યાં છે. અને જો કોઈ ચીની ઉદ્યોગોએ ઉત્પાદનમાં ઘટાડો કર્યો તો તેનાથી પૂરી દૂનિયા સપ્લાય ચેન પ્રભાવિત થશે . પરંતુ સાથે મૈન્યૂફૈક્ચરિંગ સેક્ટરમાં મંદી ચીનમાં રોજગારથી લઈને ઘણા સંકટો ઉભા થશે જે તેની આર્થિક વૃદ્ધિ માટે ઘણું ઘાતક છે.
અપ્રિલ મહિનામાં સામે આવ્યું હતું બેન્કો ગોટાળો
એક રિપોર્ટમાં જણાવ્યું છે કે, એપ્રિલ 2022માં ચીનના એક અખબારમાં છપાયેલી ખબરમાં ચીનનો થયેલા બેન્કનો ભ્રષ્ટાચારનો ખુલાસો કર્યો હતો. જેમાં દાવો કરવામાં આવ્યો છે કે, 40 અરબ યુઆન એટલે કે, 6 અરબ ડોલર (લગભગ 47,000 કરોડ રૂપિયા) ચીની બેન્કોમાંથી ગાયબ થઈ ગયા છે. જે બાદ સામે આવેલી રિપોર્ટોમાં જણાવ્યું હતું કે, ચીનના હેનાન અને અનહુઈ પ્રાંતમાં બેંકોમાંથી પૈસા ઉપાડવાની રોક લગાવી દીધી છે. જો કે, બેન્કોએ સિસ્ટમ અપગ્રેડ બહાનું બતાવીને ગ્રાહકોના ખાતામાં પૈસાના ઉપાડ પર રોક લગાવવાની વાત કહી હતી.