ચીનના દક્ષિણ શહેર ગ્વાંગ્ઝૂમાં ભારતના નવા સ્ટ્રેનના કેસો વધતા લોકોને ઘરની અંદર જ પૂરી રાખવા 60 ડ્રોનને કામે લગાડાયા છે.
ચીનના દક્ષિણ શહેર ગ્વાંગ્ઝૂમાં ભારતીય કોરોનાના સ્વરુપે દેખા દીધી
ભારતમાં મળેલા સ્ટ્રેનના કેસો વધીને 100 થયા
લોકો પર દેખરેખ રાખવા 60 ડ્રોન તહેનાત કરાયા
ચીને કોરોનાના સ્થાનિક સંક્રમણ પર ઘણી હદ સુધી કાબૂ મેળવી લીધો છે પરંતુ ગ્વાંગ્ઝૂાં કોરોના વાયરસ વધારે સંક્રમિત થઈ રહ્યો છે તેના કેસો વધી રહ્યાં છે.
ગ્વાંગ્ઝૂમાં છેલ્લા ચોવીસ કલાકમાં 6 કેસો નોંધાયા છે જેનાથી સંક્રમણના નવા સ્વરુપના કેસો વધીને 100 થયા છે. પોલીસે કેમેરાથી સજ્જ ડ્રોન તહેનાત કર્યાં છે તથા લોકો પર નજર રાખવાનું શરુ કરી દીધું છે. શહેરમાં ડ્રોનની ઉપરાંત સ્વાસ્થ્યની માહિતી લેવા, ટેમ્પરેચર માપવા તથા સંક્રમણની વધારે આશંકા વાળા વિસ્તારોમાં પ્રવાસ કરનાર લોકોના આઈસોલેશન જેવા પગલાં ભરવામાં આવી રહ્યાં છે.
અહીંથી બહાર આવવા જવા પર પાબંધી
ચીન તરફથી એવો દાવો કરાઈ રહ્યો છે ગ્વાંગ્ઝૂમાં કોરોના વાયરસનું જે સ્વરુપ મળ્યું છે તે ભારતમાં જોવા મળ્યું છે. વહિવટીતંત્ર દ્વારા બહાર આવતા લોકોની અવરજવર પર પ્રતિબંધ મૂકી દેવાયો છે. શહેર અને આજુબાજુના લોકોના બહાર જવા પર પણ પ્રતિબંધ છે અને ત્યાં સિનેમા, મોલ અને બીજા મનોરંજન સ્થળોને પણ બંધ કરી દેવાયા છે.
ભારતમાં છેલ્લા 6 દિવસથી નોંધાઈ રહ્યા છે ઓછા કેસો
દેશમાં કોરોના વાયરસના નવા કેસોમાં હવે ઘટાડો જોવા મળી રહ્યો છે. મે મહિનામાં જ્યારે સમગ્ર દેશમાં ચાર લાખથી વધુ કેસો સામે આવી રહ્યા હતા, હવે આ કેસમાં સારા સમાચાર એવા છે કે આ કેસમાં એક લાખથી ઓછા કેસો નોંધાઈ રહ્યા છે. કેન્દ્રીય સ્વાસ્થ્ય મંત્રાલય દ્વારા આ આંકડા જાહેર કરવામાં આવ્યા છે. મંત્રાલયે આપેલ આંકડા મુજબ છેલ્લા 24 કલાકમાં 80,834 કેસો સામે આવ્યા છે અને 3303 દર્દીઓના કોરોના વાયરસને કારણે મોત થયા છે. આ આંકડા છેલ્લા 71 દિવસમાં નોંધાયેલા કેસોમાં સૌથી ઓછા આંકડા છે.