વિનાશક શસ્ત્ર / દુનિયાભરમાં તબાહી મચાવી શકે છે ચીનની આ મિસાઈલ : આ છે તેની ખતરનાક ખાસિયતો

• પૃથ્વી પરની સૌથી ખતરનાક છે આ મિસાઈલ 
• એન્ટી-મિસાઈલ ડિફેન્સ સિસ્ટમ પણ તેની સામે ટકી શકતી નથી
• એક સાથે 10 અલગ અલગ નિશાન ભેદવામાં સક્ષમ

સંરક્ષણ નિષ્ણાતો માને છે કે, વિનાશક શસ્ત્રોની રેસમાં ચીન એટલું શક્તિશાળી બની ગયું છે કે હવે તેની સાથે યુદ્ધ કરવું એ અમેરિકાની પણ તાકાત બહારની વાત છે. ચીને જે ખતરનાક હથિયારોનું પરીક્ષણ કર્યું છે તે કેટલા ઘાતક અને વિધ્વંસક છે અને દુનિયાભરમાં તે કેટલો વિનાશ વેરી શકે તેમ છે તેનો ભયજનક ચિતાર મેળવીએ.

પૃથ્વી પરની સૌથી ખતરનાક છે આ મિસાઈલ 

અત્યાર સુધી એવું માનવામાં આવતું હતું કે, અમેરિકા અને રશિયા જ વિશ્વના એવા દેશ છે, જેમની મિસાઇલોની કોઈ મુકાબલો કરી શકે તેમ નથી. જોકે, ચીને પ્રથમ વખત તેની સૈન્ય પરેડમાં ઇન્ટરકોન્ટિનેન્ટલ બેલિસ્ટિક મિસાઇલ ડીએફ-41 પ્રદર્શિત કરીને દુનિયાને દેખાડી દીધું છે કે, દાદાગીરીની રેસમાં તે અમેરિકા અને રશિયાને પણ ટક્કર આપી શકે છે. જ્યાં સુધી ડીએફ-41ની વાત છે તો તે 15 હજાર કિલોમીટર સુધી વાર કરવામાં સક્ષમ છે. એટલું જ નહીં તે ફક્ત 30 મિનિટમાં અમેરિકા પર પરમાણુ પર હુમલો કરી શકે છે. એવું માનવામાં આવે છે કે, તેની ક્ષમતા પૃથ્વી પરની તમામ મિસાઇલોમાં સૌથી વધુ છે.

એક સાથે 10 અલગ અલગ નિશાન ભેદવામાં સક્ષમ

ચીન હજુ સુધી સત્તાવાર રીતે ડીએફ-41 કે ડૉંગફેંગ-41 મિસાઇલની કેટલીક ખાસિયતો સિવાય દુનિયાને વિશ્વભરમાં કંઇપણ જણાવી રહ્યું નથી, પરંતુ સેન્ટર ફૉર સ્ટ્રેટેજિક એન્ડ ઇન્ટરનેશનલ સ્ટડીઝના મિસાઇલ ડિફેન્સ પ્રોજેક્ટ અનુસાર, ડીએફ-41 એ મિસાઇલ છે, જેના દ્વારા એક સાથે 10 અલગ અલગ નિશાન સાધી શકાય છે. એટલું જ નહીં તે વિવિધ ક્ષમતાવાળા 10 પરમાણુ હથિયારોને લઈને લક્ષ્યને સંપૂર્ણ રીતે નષ્ટ કરી શકે છે.

એન્ટી-મિસાઈલ ડિફેન્સ સિસ્ટમ પણ તેની સામે ટકી શકતી નથી

ચીને પહેલી વખત ડૉંગફેંગ-17 અથવા ડીએફ-17 મિસાઇલનું પ્રદર્શન પણ કર્યું હતું. આ એટલી ઘાતક મિસાઇલ છે કે તેની સામે એન્ટી-મિસાઇલ ડિફેન્સ સિસ્ટમ્સ પણ ટકી શકતી નથી. તે પરમાણુ ક્ષમતાથી સજ્જ એક પ્રકારનું ગ્લાઇડર છે છે. નિષ્ણાંતોના મતે, તેની સૌથી મોટી તાકાત તેની ઝડપી ગતિ છે. તે એટલું ઝડપી છે કે એન્ટી મિસાઇલ ડિફેન્સ સિસ્ટમને પણ નષ્ટ કરી શકે છે.