ચીનમાં કોરોના વાયરસના 63 નવા કેસ સામે આવ્યા છે. તેમાં 2 ઘરેલૂ દર્દીઓ અને 1 અન્ય દેશથી આવેલા ચીની દર્દી છે. 63 નવા કેસમાં ચીનમાં ફરીથી કોરોનાનો કહેર ફેલાઈ રહ્યો છે. સ્વાસ્થ્ય અધિકારીઓના જણાવ્યા અનુસાર ચીનમાં બુધવારે 2 મહિનાથી પણ વધારે સમય બાદ લૉકડાઉન હટાવાયું હતું પણ નવા કેસને કારણે દેશની ચિંતા વધી છે.
કોરોના વકર્યો
ચીનમાં કોરોનાએ ફરી દેખા દીધી
ચીનમાં કોરોનાના 63 નવા કેસ જોવા મળ્યા
સ્વાસ્થ્ય વિભાગે કહ્યું કે દેશમાં 2 લોકોના મોતની સાથે કુલ મૃત્યુઆંક 3335 થયો છે. કુલ કોરોના વાયરસના કેસ 81865 સુધી પહોંચ્યા છે. ચીનના રાષ્ટ્રીય સ્વાસ્થ્ય આયોગે ગુરુવારે કહ્યું કે બુધવારે 63 લોકોના રિપોર્ટ પોઝિટિવ આવ્યા છે. તેમાંથી 61 લોકો અન્ય દેશથી આવેલા છે.
ચીનમાં 63 નવા કેસ સાથે સંખ્યા 1104 પહોંચી
ચીનમાં થોડા સમય પહેલાં નવા કેસ આવવાનું બંધ થયું હતું. સતત 3 દિવસ સુધી તો કોઈ ઘરેલૂ દર્દી પણ આવ્યો ન હતો. દેશમાં એક વાર ફરી નવા કેસ આવવાની શરૂઆત થઈ છે. 63 નવા કેસ મળ્યા બાદ ચીનમાં ફરી સંક્રમિત કેસની સંખ્યા 1104 થઈ છે.
કોરોના રિસર્ચમાં ચીન મોખરે, વેક્સીનની શોધમાં કોશિશ બની ઝડપી
કોરોના વાયરસથી બચવાને માટે દુનિયામાં જેટલા પણ રિસર્ચ અને ક્લિનિકલ શોધ ચાલી રહી છે તેમાં સૌથી વધુ 60 પ્રયોગો સાથે ચીન સૌથી મોખરે છે. બ્રિટનની એક કંપનીએ સર્વેમાં કહ્યું છે કે આ સમયે દુનિયાના 39 દેશમાં કોરોનાની વેક્સીન શોધવા અને તેને લઈને થનારા સંશોધનમાં સંખ્યા 300 થઈ છે. ફક્ત ચીનમાં 60 શોધ થઈ રહી છે. જ્યારે અમેરિકા 49 શોધ અને અધ્યયન કરનારો અન્ય દેશ છે.
ચીન કરી રહ્યું છે સંકટથી બચવાનો પ્રયાસ
દુનિયાના તમામ દેશોમાં કોરોનાના કન્ફર્મ કેસની સાથે થનારા શોધ અને ક્લિનિકલ સ્ટડીનો રિપોર્ટ રજૂ કરાયો છે. રિપોર્ટમાં ચીન અને અમેરિકાના વખાણ કર્યા અને કહ્યું કે આ બંને દેશ આ સંકટથી દુનિયાને બચાવવા પોતાની તાકાત અજમાવી રહ્યા છે. દુનિયાના અન્ય દેશો આ મામલે પાછળ છે. કંપનીના સહ સંસ્થાપર ઈડાસ કેબના આધારે કોરોના વાયરસથી પ્રભાવિત દેશમાં બીજા નંબરે રહેનારો સ્પેન પણ રિસર્ચ ઈન્ડેક્સમાં પાછળ છે.