ચીનમાં કોરોના વાયરસનો કહેર સતત વધી ચૂક્યો છે ત્યારે તેની અસર ભારત પર પણ થઈ શકે છે. મળતી માહિતી અનુસાર ચીન ભારતથી ખાવા પીવાની વસ્તુઓ ખરીદે છે અને તેમાં રાજમા પ્રમુખ છે. દેશમાં ઘરેલૂ જરૂરિયાત માટે વાર્ષિક 50 ટકા રાજમા ચીનથી ઈમ્પોર્ટ કરવામાં આવે છે. ભારતીય કંપનીઓનો દાવો છે કે દવા બનાવવા માટે ઉપયોગમાં લેવાતા કાચા માલને પણ ચીનથી ખરીદવામાં આવે છે. આ સમયે દવાઓ પણ મોંઘી બને તે શક્ય છે.
કોરોનાની અસર ભારત પર પણ થશે
જલ્દી જ મોંઘી થશે રોજના વપરાશની આ ચીજો
ખાદ્ય વસ્તુઓ, દવાઓ પર થઈ શકે છે મોટી અસર
ચીનમાં ફેલાયેલા કોરોના વાયરસની અસર દુનિયાના કારોબાર પર જોવા મળી રહી છે. જ્યાં એક તરફ કાચું તેલ સસ્તુ થવાથી બજારમાં પેટ્રોલ ડીઝલની કિંમતો ઘટી રહી છે,ત્યારે જ અન્ય તરફ રોજબરોજની ચીજોની કિંમતોમાં વધારો થઈ રહ્યો છે. ઉલ્લેખનીય છે કે ભારત ચીનથી ખાવા પીવાનો જે સામાન ખરીદે છે તેમાં રાજમા મુખ્ય છે. આ સાથે દવા કંપનીઓનો સામાન પણ ચીનથી આવે છે. જેની કિંમતોમાં હવે વધારો જોવા મળી શકે છે.
ભારતમાં મોંઘી થઈ શકે છે આ વસ્તુઓ
ખાવા-પીવાની ચીજો પર થશે અસર
મળતી માહિતી અનુસાર દુનિયા ભરમાં રાજમાના ભાવમાં 8 ટકાથી પણ વધારે વધારો થયો છે. આંતર રાષ્ટ્રિય સ્તરે કિંમતો 1100 ડોલર પ્રતિ ક્વિન્ટલ થઈ છે. ચીનમાં પણ કારોબારની સ્થિતિ રોકાયેલી જોવા મળી રહી છે. ઉલ્લેખનીય છે કે ભારત પહોંચનારા 300 કન્ટેનર બંદર પર ફસાયા છે. ઘરેલૂ માર્કેટમાં ખેપ પહોંચતાની સાથે જ 1 મહિનામાં કિંમતોમાં વધારો થઈ શકે છે.
મોંઘી થઈ શકે છે દવાઓ
દવાઓ બનાવવાને માટે કાચા માલનો સપ્લાય ચીનથી લાવવામાં આવે છે જે હાલમાં રોકાઈ ચૂક્યો છે. કંપનીઓ અન્ય દેશથી મોંઘો માલ સામાન ખરીદે તેવી શક્યતા છે. તેનાથી શુગર અને બ્લડ પ્રેશરની સારવારમાં કામમાં આવનારી દવાઓના ભાવ વધી શકે છે.
એસી, ફ્રિઝ, ટીવી જેવી ઈલેક્ટ્રોનિક્સ આઈટમ્સ થઈ શકે છે મોંઘી
કોરોનાની અસરના કારણે શક્ય છે કે કન્ઝ્યૂમર ડ્યૂરેબલ કંપનીઓ પણ પોતાનો ભાવ વધારી શકે છે. કારણકે એસી અને ફ્રિઝના પાર્ટ્સ પણ ચીનથી આયાત થાય છે.
વધી શકે છે ઓટો કંપનીના ભાવ
ચીનના વુહાનમાં ઓટો હબ પણ છે. ભારતીય ઓટો કંપનીઓ હવે ઘરેલૂ ઓટો એસેંલરી કંપનીઓથી પ્રોડક્ટ્સ ખરીદી શકે તેવી શક્યતા છે. હાલમાં ભારતીય કંપનીઓને ફાયદો થશે. ઓટો કંપનીઓના ભાવ વધે તેવી પણ શક્યતા છે.