ચીનમાં કોરોના વાયરસે હાહાકાર મચાવ્યો છે. ત્યારે ચીનના ઉદ્યોગોની પણ માઠી બેઠી છે. કાપડ બજારમાં ફેબ્રિક્સમાં લગભગ વૈશ્વિક લેવલે અવ્વલ ચીન હાલ કોરોનાને કારણે ધંધામાં અસર નથી આપી શકતું જેને પરિણામે આનો સીધો ફાયદો અમદાવાદના ફેબ્રિક્સના વેપારીઓને થઈ રહ્યો છે. ગાંધીનગરમાં આમ તો ચીનના વેપારીઓ મેદાન મારી જતા હતા પરંતુ હાલ કોરોના વાયરસને પગલે તેમને આમંત્રણ મળ્યુ નથી જેને પરિણામે અમદાવાદના વેપારીઓને ફાયદો થશે.
3500 કરોડનો વેપાર થવાની અપેક્ષા
અમદાવાદની 65 જેટલી બ્રાન્ડસ ભાગ લેશે
ભારતના 1700 વેપારીઓ ફેબેક્સામાં ભાગ લેશે
ગાંધીનગરમાં મસ્કતી મહાજન મહત્ત્વકાંક્ષી ફેબેક્સા એક્ઝિબિશનનું આયોજન કરી રહ્યું છે. આ એક્ઝિબિશનમાં અંદાજે રૂ. 3500 કરોડનો વેપાર થવાની અપેક્ષા છે. ચીનમાં કોરોનાને લીધે પ્રોડકશન બંધ હોવાથી તેનો ફાયદો આ ફેબેક્સામાં ભાગ લઇ રહેલા વેપારીઓને મળવા લાગ્યો છે. અમદાવાદની 65 જેટલી બ્રાન્ડસ ભાગ લેશે. ભારતના 1700 વેપારીઓ ફેબેક્સામાં ભાગ લેશે.
ચીન વાયા બાંગ્લાદેશ ગુજરાતમાં કરતું હતુ ઘુષણ ખોરી
ચીન તેનું ફેબ્રિક બાંગ્લાદેશમાં મોકલી ત્યાંથી ભારતમાં ઠાલવતું હોવાથી સ્થાનિક વેપારીઓને નુકસાન પહોંચતું હતું. પણ હવે ચીનની મહાદશાને કારણે તે ફેબ્રિક્સ ઉદ્યોગમાં પછડાટ ખાઈ રહ્યુ છે.
ફેબેક્સમાં 1700 ભારતીય વેપારીઓને આમંત્રણ
ચાઇના ફેબ્રિક બંધ થવાથી રૂ. 1000થી 1500 કરોડના વધારાના સોદા આ ફેબેક્સામાં વેપારીઓ કરી શકશે. મહાજને દેશના મોટા શહેરના 1700થી વધુ વેપારીઓને એર ટિકિટ આપીને આમંત્રિત કર્યા છે. ચીનથી નિકાસ બંધ થતાં ફેબેક્સામાં ખરીદી માટે દુબઈ, ઈન્ડોનેશિયા, શ્રીલંકા, બાંગ્લાદેશના એજન્ટોને આમંત્રણ અપાયું છે.