કોરોના વાયરસથી ચીન સહિત વિશ્વના ઘણા દેશોમાં કહેર મચી પડ્યો છે. ભારત સરકાર પણ આ વાયરસ અંગે એલર્ટ થઈ છે. આ અંતર્ગત ભારતમાં 96 વિમાનના 20 હજાર મુસાફરોનું પરીક્ષણ કરવામાં આવ્યું છે. આરોગ્ય મંત્રાલયે કહ્યું કે આ આરોગ્ય પરીક્ષણોમાં કોઈ પણ વ્યક્તિ કોરોના વાયરસથી પીડિત હોવાનું જાણવા મળ્યું નથી.
કોરોના વાયરસે ચીનમાં મચાવ્યો હાહાકાર
ભારતમાં પણ એલર્ટ યથાવત
પેટ્રોલ-ડીઝલના ભાવ ઘટવાની શક્યતા
આ તમામ બાબત વચ્ચે કોરોના વાયરસના કારણે દેશમાં પેટ્રોલ અને ડીઝલની કિંમતમાં ઘટાડો થવા લાગ્યો છે અને આગામી સમયમાં પણ તે ઘટવાની શક્યતાઓ સેવાઇ રહી છે. ત્યારે સવાલ એ છે કે, કોરોના વાઇરસના કારણે ભારતમાં પેટ્રોલ-ડીઝલના ભાવમાં કેમ ઘટાડો થશે.
ચીનમાં ક્રૂડ ઓઇલની માગમાં થયો ઘટાડો
ચીન વિશ્વમાં ક્રૂડ ઓઇલનો બીજો સૌથી મોટો ગ્રાહક છે, જ્યાં કોરોના વાયરસનો પ્રકોપ થતાં અનેક શહેરોમાં જાહેર પરિવહન બંધ થઈ ગયું છે. તેથી, ચીન તરફથી ક્રૂડ ઓઇલની માંગમાં નરમાશ થવાને કારણે પાછલા બિઝનેસ સપ્તાહમાં તેલના ભાવ પર ભારે દબાણ જોવા મળ્યું છે.
ભારતમાં પેટ્રોલ-ડીઝલના ભાવમાં થશે ઘટાડો
જો તમે સરળ ભાષામાં સમજો છો, તો ચીનમાં ક્રૂડ ઓઇલની કિંમતમાં ઘટાડો થયો છે, તેની કિંમત ઘટી છે. આપને જણાવી દઇએ કે, ભારતમાં પેટ્રોલ અને ડીઝલની કિંમતો ક્રૂડ ઓઇલના ભાવ પર આધારીત છે. આંતરરાષ્ટ્રીય બજારમાં ક્રૂડતેલના ઓછા ભાવ, આગામી થોડા દિવસોમાં પેટ્રોલ અને ડીઝલ સસ્તું થશે.
કોરોના વાઇરસ બન્યો જવાબદાર
એન્જલ બ્રોકિંગના નાયબ ઉપપ્રમુખ (ઉર્જા અને ચલણ સંશોધન) અનુજ ગુપ્તાએ ન્યૂઝ એજન્સી આઈએએનએસને જણાવ્યું હતું કે યુએસ અને ચીન વચ્ચેના પ્રથમ તબક્કાના વેપાર સોદા પર હસ્તાક્ષર કર્યા પછી, એવી અપેક્ષા રાખવામાં આવી રહી છે કે ચીનથી ક્રૂડની માંગમાં વધારો થશે. પરંતુ કોરોના વાયરસના ફાટી નીકળવાના કારણે, આશાઓ પર પાણી ફરી વળ્યું છે.
પેટ્રોલ-ડીઝલના ભાવ ઘટવાથી ગ્રાહકોને થશે ફાયદો
અનુજ ગુપ્તાએ વધુમાં જણાવ્યું કે, ચીનમાં આ કારણે પરિવહન અને કારોબાર પર અસર પડી છે, જેમાં ક્રૂડની માગમાં ઘટાડો થવાને કારણે ભાવ પર દબાણ જોવા મળ્યું છે. ગુપ્તાએ જણાવ્યું કે, કાચા તેલના ભાવમાં આવેલ પડતીને કારણે ભારતમાં પેટ્રોલ અને ડીઝલની કિંમતમાં ઘટાડો થવાથી ગ્રાહકોને રાહત મળશે.