China Military Base / ચાલબાઝ ચીનની નજર હવે PoK પર, 13000 ફૂટની ઉંચાઈ પર સૈન્ય મથકનું નિર્માણ, સેટેલાઈટ તસવીરમાં ખુલાસો

China Military Base : ચીનની વધુ એક નાપાક હરકત સામે આવી છે. વાસ્તવમાં પૂર્વ લદ્દાખમાં સફળતા ન મળ્યા બાદ હવે ચીનની નજર PoK પર છે. સેટેલાઇટ તસવીરોથી જાણવા મળ્યું છે કે, ચીન કઝાકિસ્તાનમાં 13 હજાર ફૂટની ઉંચાઈ પર લશ્કરી મથક બનાવી રહ્યું છે. આ સ્થળ PoKની ખૂબ નજીક છે. ચીન આ વિસ્તારમાં ગુપ્ત સૈન્ય મથક બનાવવા અને ત્યાં આર્ટિલરી જમા કરવા માંગે છે. હાલમાં ચીને મીડિયામાં આ પ્રકારના સમાચારોને સંપૂર્ણપણે ફગાવી દીધા છે અને તેને પાયાવિહોણા ગણાવ્યા છે.

ચીન હંમેશા વિસ્તરણવાદી માનસિકતા ધરાવે છે. ચીન હંમેશા તેના પડોશી દેશોની જમીન પર કબજો કરવાનો પ્રયાસ કરે છે. આ વખતે એવો દાવો કરવામાં આવી રહ્યો છે કે, ચીન PoKને અડીને આવેલા કઝાકિસ્તાનમાં એક સૈન્ય મથક બનાવી રહ્યું છે અને આ કામ દાયકાઓથી ચાલી રહ્યું છે. આ વાતનો ખુલાસો ધ ટેલિગ્રાફના એક રિપોર્ટમાં થયો છે જેમાં સેટેલાઇટ તસવીરોને ટાંકીને કહેવામાં આવ્યું છે કે, ચીન લગભગ એક દાયકાથી કઝાકિસ્તાનમાં સૈન્ય મથક બનાવી રહ્યું છે. તે 13 હજાર ફૂટની ઉંચાઈ પર છે. સોવિયત યુનિયન અને રશિયાથી અલગ થયા પછી કઝાકિસ્તાન એક સ્વતંત્ર દેશ બન્યો.

ચીને મીડિયાના અહેવાલોને ખોટા ગણાવ્યા

ચીની દૂતાવાસે કહ્યું કે, કઝાકિસ્તાનમાં ચીનના સૈન્ય મથકને લઈને મીડિયામાં ફરતા સમાચાર સંપૂર્ણપણે ખોટા અને પાયાવિહોણા છે. આ મુદ્દો ચીન-કઝાકિસ્તાનના એજન્ડામાં પણ સામેલ નથી. વાસ્તવમાં મેક્સર ટેક્નોલોજિસે સેટેલાઇટથી લીધેલી કેટલીક તસવીરો શેર કરી છે જેના સંદર્ભમાં દાવો કરવામાં આવ્યો છે કે, ચીન એક ગુપ્ત સૈન્ય મથક બનાવી રહ્યું છે. તસવીરોમાં મિલિટરી બેઝની દિવાલો અને પહોંચવાના રસ્તાઓ દેખાઈ રહ્યા છે.

વધુ વાંચો : ઓમાનના દરિયાકાંઠે ડૂબ્યું ઓઈલ ટેન્કર જહાજ, 13 ભારતીયો સહિત 16 ક્રૂ મેમ્બર ગુમ, રેસ્ક્યૂ ઓપરેશન શરૂ

કાઉન્ટર ટેરર ​​બેઝ વ્યૂહાત્મક રીતે મહત્વપૂર્ણ

મીડિયા અહેવાલોમાં એવો પણ દાવો કરવામાં આવ્યો છે કે, બંને દેશોએ આ સૈન્ય મથક પર સર્વેલન્સ ટાવર લગાવ્યા છે. જે જગ્યા પર સૈન્ય મથક બનાવવામાં આવ્યું છે તે વ્યૂહાત્મક રીતે મહત્વપૂર્ણ છે અને તે અફઘાન સરહદ પર છે. તે લગભગ 4 હજાર મીટરની ઊંચાઈ પર પર્વત પર બનાવવામાં આવ્યું છે. એક રિપોર્ટમાં કહેવામાં આવ્યું છે કે, બંને દેશોએ તેને વર્ષ 2021માં બનાવ્યું છે અને તેને કાઉન્ટર ટેરર ​​બેઝ નામ આપવામાં આવ્યું છે. ચીન આ સૈન્ય મથક દ્વારા મધ્ય એશિયામાં પોતાની પકડ મજબૂત કરી રહ્યું છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ