તેઓ પણ એક એવી મુશ્કેલી માટે જે તેના માટે દુનિયાના સૌથી ધનિક વ્યક્તિએ ઉભી કરી છે. જોકે, કેટલાક દિવસો પહેલા જ ચીને ફરિયાદ કરી હતી કે એલન મસ્કની કંપની સ્પેસએક્સ તરફથી લોન્ચ કરવામાં આવેલા સેટેલાઇટ તેના સ્પેસ સ્ટેશનથી ટકરાવાની હતી. આ ટક્કરને ટાળવા માટે તેને પોતાના અંતરિક્ષ સ્ટેશનની પોજિશન બદલવી પડી. આને લઇને જ ચીને અમેરિકાને અપીલ કરી છે કે તેઓ ભવિષ્યમાં આવા મિશન્સનું સુરક્ષિત રહેવાનું નક્કી કરે.
શું બોલ્યું ચીન?
ચીનના વિદેશ મંત્રાલયે મંગળવારે આરોપ લગાવ્યો કે અમેરિકાએ નિયાનગોંગ સ્પેસ સ્ટેશન અને તેમાં સવાર ત્રણ ક્રૂ મેમ્બર્સની સુરક્ષા માટે કરવામાં આવેલા કરારને નજરઅંદાજ કર્યો છે. ચીન વિદેશ મંત્રાલયના પ્રવક્તા ઝાઓ લિજિયાને કહ્યું કે, અમેરિકાએ આવી ઘટનાઓને રોકવા માટે તાત્કાલિક કદમ ઉઠાવવા જોઈએ. તેમણે કહ્યું કે, 1967માં અંતરિક્ષના શાંતિપૂર્ણ ઉપયોગ માટે થયેલી સંધિ હેઠળ આ તમામ જવાબદારી છે કે તેઓ અંતરિક્ષ યાત્રીઓની સુરક્ષાનું ધ્યાન રાખે. પરંતુ અમેરિકા પોતાની આ જવાબદારી નિભાવવામાં નિષ્ફળ રહ્યું.
ચીનનું પહેલુ સ્પેસ સ્ટેશન છે તિયાનગોંગ
ચીનનું તિયાનગોંગ સ્પેસ સ્ટેશન સત્તાસીન કમ્યુનિસ્ટ પાર્ટીનો મહત્વપૂર્ણ પ્રોજેક્ટ છે. તેવામાં ચીન આ પ્રોજેક્ટની ગંભીરતાથી કોઈ છેડછાડ નથી ઇચ્છતું. તિયાનગોંગે પહેલી વખત એપ્રિલમાં લૉન્ચ કર્યું હતું. તેમના ક્રૂ 90 દિવસનું મિશન પૂર્ણ કર્યા બાદ સપ્ટેમ્બરમાં પરત ફર્યા હતા, જ્યારે બીજા ક્રૂ 16 ઓક્ટોબરે 6 મહિનાના મિશન પર અવકાશ રવાના થઇ ગયા.
એલન મસ્કે વૈશ્વિક ઇન્ટરનેટ સેવા શરૂ કરવાનો લક્ષ્ય રાખ્યો છે. તેના માટે તેમણે પોતાની કંપની સ્પેસએક્સ દ્વારા સ્ટારલિંક સેટેલાઇટ લોન્ચ કરવાનું શરૂ કર્યું છે. જણાવાય રહ્યું છે કે, આખી દુનિયાને પોતાની કંપનીના ઇન્ટરનેટના દાયરામાં લાવવા માટે મસ્ક 2 હજાર સેટેલાઇટ્સને અંતરિક્ષમાં મોકલશે. તે તબક્કામાં સ્પેસએક્સ તરફથી 18 ડિસેમ્બરે 34મું લૉન્ચિંગ હતું, જેમાં એક સાથે 52 સેટેલાઇટ પૃથ્વીની કક્ષામાં મોકલવામાં આવ્યા.