ચીનમાં કોરોના વાયરસ પગપેસારો કરી રહ્યો છે. ઓમિક્રોનના 73 કેસ આવ્યાં બાદ ચીનના ઝેજિયાંગ વિસ્તારમાં ફરી લોકડાઉન લગાડી દેવાયું છે.
ચીનમાં કોરોના વાયરસનો પગપેસારો
ઓમિક્રોનના 73 કેસ આવ્યાં
ઝેજિયાંગ વિસ્તારમાં ફરી લોકડાઉન
ઓમિક્રોનની એન્ટ્રી બાદ લોકડાઉન લાગુ પાડનાર ચીન પહેલો દેશ
દેશ અને દુનિયામાં ઓમિક્રોન વેરિયન્ટ ખૂબ ફેલાઈ રહ્યો છે. ઓમિક્રોનને ગતિને નાથવા દુનિયાના દેશો કડક પ્રતિબંધો સહિતના તમામ પગલા ઉઠાવી રહ્યાં છે. આ ક્રમે ચીને પહેલ કરી છે અને 6 થી 12 ડિસેમ્બર ની વચ્ચે કોરોનાના 173 કેસ નોંધાતા ઝેજિયાંગ પ્રાંતમાં લોકડાઉન લાગુ પાડી દેવાયું છે. ચીનમાં કોરોનાની ત્રીજી લહેર શરુ થઈ હોવાનો નિષ્ણાંતોનો મત છે.
ડેલ્ટા સ્ટ્રેઇન એવાય4ને કારણે ત્રણ શહેરોમાં કેસ વધ્યા
પ્રાંતીય સરકારે રવિવારે એક પત્રકાર પરિષદમાં જણાવ્યું હતું કે, 'નિંગબોમાં 44 કેસ, શાઓક્સિંગમાં 77 કેસ અને લક્ષણહીનનો એક કેસ અને 17 કેસ પ્રાંતીય રાજધાની હાંગઝોઉમાંથી આવ્યા છે.' ઝેજિયાંગ પ્રોવિન્શિયલ સેન્ટર ફોર ડિસીઝ કન્ટ્રોલ એન્ડ પ્રિવેન્શનના એક અધિકારીએ જણાવ્યું હતું કે જીનોમ સિક્વન્સિંગ વિશ્લેષણમાં બહાર આવ્યું છે કે ડેલ્ટા સ્ટ્રેઇન એવાય4ને કારણે ત્રણ શહેરોમાં કેસ વધ્યા છે.
ઓમિક્રોનની એન્ટ્રી બાદ લોકડાઉન લાગુ પાડનાર ચીન પહેલો દેશ બન્યો
સાઉથ આફ્રિકામાંથી ફેલાયેલા કોરોનાના નવા વેરિયન્ટ ઓમિક્રોનની એન્ટ્રી બાદ લોકડાઉન લાગુ પાડનાર ચીન પહેલો દેશ બન્યો છે. માર્ચ 2020 માં જ્યારે કોરોનાના પહેલો કેસ આવ્યો ત્યારે પણ ચીને દુનિયામાં સૌથી પહેલું લોકડાઉન લાગુ પાડી દીધું હતું.
બીજા દેશો પણ આ માર્ગે આગળ વધે તેવી સંભાવના
આખી દુનિયામાં અત્યારે ઓમિક્રોન વેરિયન્ટ ફેલાયેલો હોવાથી તેઓ ચીનને માર્ગે આગળ વધે તેવી સંભાવના છે. બીજા દેશો પણ ઓમિક્રોનની એન્ટ્રી અટકાવવા લોકડાઉન જેવા કડક પ્રતિબંધ લાગુ પાડી શકે છે. આવનારા દિવસોમાં લોકોએ વધારે સાવધાન રહેવાની જરુર છે.