જો બાયડેન અમેરિકાના 46માં રાષ્ટ્રપતિ બની ગયા છે. બુધવારે તેમણે અમેરિકન સાંસદના પરિસરમાં પદ અને તેની ગોપનીયતાના શપથ લીધા. જો બાયડેનની સાથે ઉપરાષ્ટ્રપતિ કમલા હેરિસે પણ પદ અને ગોપનીયતાના શપથ લીધા. કમલા હેરિસ અમેરિકન ઉપરાષ્ટ્રપતિ બનનારા પહેલા મહિલા છે. ડોનાલ્ડ ટ્રમ્પના સત્તા પરથી હટતાની સાથે અનેક દેશો સાથેના સંબંધો બદલાવાનો ક્યાસ લગાવાઈ રહ્યો છે. જો કે ચીનના અનેક વિશેષજ્ઞોનું માનવું છે કે બાયડનના આવ્યા બાદ ચીન અને અમેરિકાની વચ્ચે સંબંધોમાં અનેક મોટા ફેરફાર નથી થવાના.
અમેરિકાએ ચીનનો સામનો મજબૂત સ્થિતિથી કરવો જોઈએ
ચીની એક્સપર્ટે હાલમાં બન્ને દેશોની વચ્ચેના સંબંધને લઈને સતર્ક રજૂ કર્યા
ચીન હાલના સમયમાં પ્રભાવી ખતરો છે- લોયડ ઓસ્ટિન
ચીની એક્સપર્ટે હાલમાં બન્ને દેશોની વચ્ચેના સંબંધને લઈને સતર્ક રજૂ કર્યા
ચીની અખબાર ગ્લોબલ ટાઈમ્સમાં છપાયેલા લેખ મુજબ ચીની એક્સપર્ટ હાલમાં બન્ને દેશોની વચ્ચેના સંબંધને લઈને સતર્ક છે. તેમના જણાવ્યાનુંસાર વ્યાપાર અને અન્ય મુદ્દાઓને લઈને નવા અમેરિકન એડમિનિસ્ટ્રેશન તરફથી કઠોર નિવેદનબાજી ચાલું રહેશે. પરંતુ ખાસ વ્યાપારના મામલામાં ચીનમાં ટ્રમ્પ પ્રશાસનની પહેલાની સામાન્ય સ્થિતિ બની શકે છે.
ચીન અમેરિકન કંપનીઓની કિંમત ઘટાડી રહ્યું છે
ચીની વિશેષજ્ઞોની આ સલાહ જો બાયડન દ્વારા નામિત મંત્રાલયોના પ્રમુખના નિવેદન બાદ આવી છે. અમેરિકન ટ્રેજરી સેક્રેટરી તરીકે નામિત જેનેટ યેલેને કહ્યું છે કે જો બાયડનના આવનારા પ્રશાસન અમેરિકન અર્થવ્યવસ્થાને નબળી બનાવનારી ચીનની અપમાનજક અયોગ્ય અને અયોગ્ય પ્રથાઓની વિરુદ્ધ તમામ વિકલ્પોનો ઉપયોગ કરે. તેમણે વધુંમાં કહ્યું કે ચીન, અમેરિકન કંપનીઓની કિંમત ઘટાડી રહ્યું છે. જેમાં અયોગ્ય સબ્સિડી ઉત્પાદનોની ડંપિંગ , બૌદ્ધિક સંપદાની ચોરી અને અમેરિકન સામાનો માટે અડચણો ઉત્પન્ન કરવાનું પણ સામેલ છે.
ચીન હાલના સમયમાં પ્રભાવી ખતરો છે- લોયડ ઓસ્ટિન
ત્યારે અમેરિકાના રક્ષા મંત્રી તરીકે આવેલા લોયડ ઓસ્ટિને કહ્યું કે ચીન પહેલાથી જ ક્ષેત્રીય પ્રભુત્વકારી તાકાત છે અને મારુ માનવું છે કે તેમનું લક્ષ્ય નિયંત્રણકારી વિશ્વ શક્તિ બનવાનું છે. તે આપણી સાથે વિભિન્ન ક્ષેત્રોમાં પ્રતિસ્પર્ધા કરવા માટે કામ કરી રહ્યું છે અને તેના પ્રયાસોને નિષ્ફળ બનાવવા માટે પૂરી સરકારની સાથે મળીને વિશ્વસનીય રીતે કામ કરવાની જરુર છે. તેણે કહ્યું કે ચીન હાલના સમયમાં પ્રભાવી ખતરો છે કેમ કે તે ઉભરી રહ્યુ છે. જ્યારે રશિયા ખતરો છે પણ તે ઉતાર પર છે.
અમેરિકાએ ચીનનો સામનો મજબૂત સ્થિતિથી કરવો જોઈએ નહીં કે નબળી સ્થિતિથી
ત્યારે અમેરિકાના ભાવી વિદેશ મંત્રી એન્થોની બ્લિંકેને ચીનને અમેરિકાના રાષ્ટ્રીય સુરક્ષાને લઈને ખતરા તરીકે ઓળખ કરતા ચિંતા વ્યક્ત કરી છે. તેમણે કહ્યું કે અમેરિકાએ ચીનનો સામનો મજબૂત સ્થિતિથી કરવો જોઈએ નહીં કે નબળી સ્થિતિથી.