દિલ્હી: બેનામી સંપત્તિઓ અને ટેક્સ ચોરી પર ગાળિયો કસવા માટે મોદી સરકારની રિવાઈઝ્ડ ટેક્સ ઈન્ફર્મેટ્સ રિવાર્ડ સ્કીમ પર ચીન પણ આફરીન થઈ ગયું છે. ચીનના ગ્લોબલ ટાઈમ્સમાં ભારતની આ સ્કીમની પ્રસંશા કરવામાં આવી છે. ગ્લોબલ ટાઈમ્સમાં કહેવાયું છે કે બેનામી સંપત્તિ અને ટેક્ષ ચોરીની જાણકારી આપનારાઓને ભારતમાં 1 કરોડ સુધીનું ઈનામ આપવાની યોજના છે.
ત્યારે ભારતની આ વ્યવસ્થામાંથી ચીને પણ શિખવું જોઈએ. ગ્લોબલ ટાઈમ્સમાં ભારતમાં અપનાવવામાં આવેલી ઈમાની વ્યવસ્થાનો ઉલ્લેખ કરતા કહેવામાં આવ્યું છે કે ચીન ટેક્સ ચોરી અને બેનામી સંપત્તિ વિશે માહિતી આપનાપને ઈનામ પેટે મોટી રકમ નથી આપતું. માત્ર એક લાખ યુઆન એટલે કે 10 લાખ 44 હજાર રૂપિયા આપે છે અને જાણકારી આપનારની ઓળખ પણ જાહેર કરે છે. જ્યારે ભારતમાં માહિતી આપનાર વ્યક્તિની ઓળખ ગુપ્ત રાખવામાં આવે છે.
ઉલ્લેખનીય છે કે ચીનના અગ્રગણ્ય અખબારમાં તાજેતરમાં પ્રસિધ્ધ થયેલ એક લેખમાં ભારતની વર્તમાન મોદી સરકારના ભારોભાર વખાણ કરવામાં આવ્યા હતા.આ સાથે ચીનની જિંમપીંગ સરકારને ટકોર કરીને લખવામાં આવ્યું હતું કે ચીને આ મુદ્દે ભારત પાસેથી પ્રેરણા લેવી જોઇએ અને ઈનામની રકમમાં વધારો કરવો જોઇએ.
આપને જણાવી દઇએ કે જ્યારથી મોદી સરકાર ભારતમાં બની છે ત્યારથી બેનામી સંપત્તિ ધરાવતા લોકો પર સંકંજો કસવામાં આવ્યો છે અને ગેરકાયદેસર સંપત્તિ રાખતા લોક સામે લાલ આંખ કરવામાં આવી છે. આ સંપત્તિની જાણ ભારતના કોઇપણ નાગરિકને થાય તો તે સરકારને જાણકારી આપીને ખાસ ભેટ પ્રાપ્ત મેળવી શકે છે તેવી યોજના મોદી સરકાર દ્વારા અમલી બનાવાઇ છે. ત્યારે આ યોજના મામલે ચીનના ગ્લોબલ ટાઇમ્સ દ્વારા ભરપેટ વખાણ કરવામાં આવ્યા હતા.