અવળચંડાઈ / લદ્દાખમાં ફરી તણાવ : ભારતીય સીમામાં ઘૂસેલા પોતાના સૈનિક મુદ્દે ચીને કહ્યું, ‘તાત્કાલીક છોડો...’

• ગુમ થયેલા ચીની સૈનિકને ચીને પાછો આપવો જોઈએ- ચીન
• અથડામણ બાદ બન્ને દેશોની વચ્ચે તણાવ જારી
• ચીને કહ્યું કે રાતના અંધારા અને જટિલ ભૌગોલિક સ્થિતિના કારણે સૈનિક ગુમ થયો

અથડામણ બાદ બન્ને દેશોની વચ્ચે તણાવ જારી

આ સૈનિકની ધરપકડ એવા સમયે થઈ જ્યારે ભારતીય સેના અને ચીની પીપુલ્સ લિબરેશન આર્મીએ મોટી સંખ્યામાં પોતાના સૈનિકોની તૈનાતી લદ્દાખમાં કરેલી છ. મે મહિનામાં પેંગોંગ ઝીલ વિસ્તારમાં થયેલી અથડામણ બાદ બન્ને દેશોની વચ્ચે તણાવ જારી છે. જેના પરિણામ સ્વરુપ બન્ને દેશોને લદ્દાખ વિસ્તારમાં પોત પોતાના સૈનિકો અને સુરક્ષાદળોની સંખ્યા વધારી રાખી છે.

ચીને કહ્યું કે રાતના અંધારા અને જટિલ ભૌગોલિક સ્થિતિના કારણે સૈનિક ગુમ થયો

બીજિંગમાં ચીની સેનાએ કન્ફર્મ કર્યું છે કે તેમનો એક સૈનિક ભૂલથી ચીન ભારત સીમા વિસ્તારમાં ગુમરાહ થઈ ગયો હતો. ચીની સેનાની એક ઓનલાઈન વેબસાઈટ પર ચીની સેનાએ કહ્યું કે રાતના અંધારા અને જટિલ ભૌગોલિક સ્થિતિના કારણે તે ચાઈનીઝ પીપુલ્સ લિબરેશન આર્મીના ફ્રન્ટિયર ડિફેન્સ ફોર્સનો એક જવાબ શુક્રવારે સવારે ભારત- ચીન સીમામાં ગુમ થઈ ગયો છે.

વેબસાઈટ પર લખ્યું છે કે પીએએલએ ફ્રન્ટિયર ડિફેન્સ ફોર્સે ભારતીય પક્ષને આ મામલે સૂચિત કરી દીધું છે. એ આશાએ કે ભારતીય પક્ષ ગુમ થયેલા સૈનિકની શોધ અને બચાવમાં મદદ કરશે. વેબસાઈટ પર ભારતીય પ્રતિક્રિયા વિશે વાત કરતા લખ્યું છેકે લગભગ 2 કલાક બાદ ભારતીય પક્ષી તરફથી પ્રતિક્રિયા આવી હતી. એ પુષ્ટિ કરતા કહ્યું કે ગુમ સૈનિક તેમને મળ્યો છે અને જેવો સક્ષમ પ્રાધિકરણથી નિર્દેશ મળી જશે. ચીનને તેનો સૈનિક પાછો મળી જશે.

ગુમ થયેલા ચીની સૈનિકને ચીને પાછો આપવો જોઈએ- ચીન

ભારતને એક સમજૂતિની યાદ અપાવતા ચીની વેબસાઈટે લખ્યું છે કે ભારતીય પક્ષે બન્ને દેશો દ્વારા કરવામાં આવેલા પ્રાસંગિત સમજૂતીનું કડકાઈથી પાલન કરવું જોઈએ અને સમય બરબાદ કર્યા વગર ગુમ થયેલા ચીની સૈનિકને ચીને પાછો આપવો જોઈએ. જેથી બન્ને દેશોની વચ્ચે સીમા પર તણાવ ઘટવા પર પોઝિટિવ ફેક્ટર જોડાઈ શકે અને બન્ને દેશ સંયુક્ત રુપે સીમા પર શાંતિ કાયમ રાખી શકે.