BIG NEWS / ચીનમાં ભીષણ રોડ અકસ્માત: બસ પલ્ટી જતાં 27 લોકોના મોત, 20 જણાં ઘાયલ થયાં

• ચીનમાં રોડ અકસ્માતની ભયંકર ઘટના સામે આવી
• આ અકસ્માતમાં 27 લોકોના મોત થયા
• 20થી વધારે લોકો ગંભીર રીતે ઘાયલ થયાં

ચીનના દક્ષિણ-પશ્ચિમ ભાગમાં આજે એક ભીષણ રોડ અકસ્માત થયો હતો. ચીનના સંદૂ કાઉંટીમાં એક એક્સપ્રેસ વે પર એક બસ પલ્ટી ગઈ હતી. ભીષણ રોડ અકસ્માતમાં બસમાં સવાર 27 લોકોના મોત થઈ ગયા હતા અને 20 લોકો ગંભીર રીતે ઘાયલ થયા હતા. પ્રાપ્ત વિગતો અનુસાર જોઈએ તો, ઘાયલોને સારવાર માટે હોસ્પિટલમાં ચાલી રહી છે. પોલીસે જણાવ્યું છે કે, બસમાં 47 લોકો સવાર હતા.

27 people killed in China bus crash, reports AFP News Agency quoting State Media

— ANI (@ANI) September 18, 2022

બસ પલ્ટી ખાઈ જતાં 27 લોકોના મોત

પોલીસે કહ્યું કે, ગુઈઝોઉ પ્રાંતની રાજધાની ગુઈયાંગ શહેરના દક્ષિણ પૂર્વમાં આવેલ સંદૂ કાઉંટીમાં આજે એક બસ પલ્ટી જવાથી બસમાં સવાર 47 લોકોમાંથી 27 લોકોના મોત થઈ ગયા છે અને 20 મુસાફરો ગંભીર રીતે ઘાયલ થયા છે. તેમણે કહ્યું કે, ઘાયલોને હોસ્પિટલમાં ભરતી કરાવ્યા છે. આ સિવાય અન્ય કોઈ જાણકારી આપી નથી.