ચીન પર શંકા છે કે તેણે ત્રણ જગ્યાઓ પર મિસાઈલ સાઈલો ફીલ્ડ બનાવી લીધું છે.
ચીને ઉત્તરી મધ્ય ચીનના યુમેન, હામી અને ઓર્દોમમાં મિસાઈલ સાઈલો ફીલ્ડ બનાવ્યું
FASએ કર્યો ચીનની આ હરકતનો ખુલાસો
આ ચીનનું અભૂતપૂર્વ પરમાણુ નિર્માણ છે
ચીને ઉત્તરી મધ્ય ચીનના યુમેન, હામી અને ઓર્દોમમાં મિસાઈલ સાઈલો ફીલ્ડ બનાવ્યું
પશ્ચિમ વિશેષજ્ઞ આ મુદ્દા પર ચિંતાતુર છે. આ ત્રણ જગ્યા ઉત્તરી મધ્ય ચીનના યુમેન, હામી અને ઓર્દોમમાં હાજર છે. અમેરિકન થિંક ટૈંક ફેડરેશન ઓફ અમેરિકન સાયન્સ્ટિસ્ટે (FAS) આનો ખુલાસો કર્યો છે. તેમણે પ્લેનેટ લેબ્સ અને મૈક્સાર ટેક્નોલોજી દ્વારા ઉપલબ્ધ કરાવેલા ફોટાના માધ્યમથી દાવો કર્યો છે. ચીને 3 જગ્યાઓ પર મિસાઈલ સાઈલો બનાવી લીધી છે. આ તસવીરોમાં ચીનના 3 સાઈલો જોવા મળી રહ્યા છે. પરંતુ એફએએસનું માનવું છે કે એશિયાઈ દેશ 300 નવા મિસાઈલ સાઈલો બનાવી રહ્યું છે. FAS રિસર્ચર્સનું માનવું છે કે જે સ્પીડથી કામ થઈ રહ્યું છે તેનાથી તેમને એ ભરોસો થઈ રહ્યો છે કે આ ચીની સૈનાના અત્યાધુનિકીકરણ કાર્યક્રમથી સંબંધિત છે. FASએ મિસાઈલ સાઈલો પર કામની તેજીનું આકલન અઠવાડિક આધાર પર કર્યુ છે.
આ ચીનનું અભૂતપૂર્વ પરમાણુ નિર્માણ છે
FAS રિપોર્ટના લેખક મૈટ કોર્ડા અને હંસ એમ ક્રિસ્ટેન્સને મંગળવારે કહ્યું આ ચીનનું અભૂતપૂર્વ પરમાણુ નિર્માણ છે. તેમણે કહ્યું કે આનાથી ચીન દ્વારા ન્યૂનતમન સ્તર પર પરમાણું ઉપયોગ કરવા માટે અને તેમની નીતિઓ અંગે સવાલ પેદા થઈ રહ્યા છે. રિપોર્ટમાં કહેવામાં આવ્યું છે મિસાઈલ સાઈલો ફીલ્ડના હાલ શરુ થવામાં અનેક વર્ષો છે. પરંતુ એ જોવાનું રહેશે કે ભવિષ્યમાં ચીન તેનો ઉપયોગ કેવી રીતે કરે છે.
વધી શકે છે પરમાણું પ્રતિસ્પર્ધા
કોર્ડા અને ક્રિસ્ટેંસન બન્નેનો ડર છે કે જે સ્પીડથી ચીન સાઈલો મૈન્યૂફૈક્ચરિંગમાં લાગેલા છે તેનાથી પરમાણું પ્રતિસ્પર્ધા વધી શકે છે. આ વર્ષે જૂનમાં પહેલા સાઈલો ફીલ્ડ અંગે જાણકારી મળી હતી. એક અન્ય રિપોર્ટમાં જૂલાઈમાં આવેલા બીજા સાઈલોની જાણ થઈ. તે સમયે FASએ કહ્યું હતુ આ જગ્યાઓ ચીની પરમાણું હથિયારનો અત્યાર સુધીનો સૌથી મહત્વપૂર્ણ વિસ્તાર છે. જેમાં કહેવામાં આવ્યું છે કે શીત યુદ્ધ દરમિયાન અમેરિકા અને સોવિયત મિસાઈલ સાઈલો બનાવ્યા બાદથી આ સૌથી મોટો સાઇલો મેન્યૂફેક્ચરિંગ છે.