ચીનમાં કોરોના બાદ હવે બ્યૂબોનિક પ્લેગ ફેલાઈ રહ્યો છે. જેમાં દેશના દક્ષિણ- પશ્ચિમ ભાગમાં કટોકટી લગાવી દીધી છે. મનાઈ રહ્યું છે કે એક 3 વર્ષનો બાળકો પ્લેગની ઝપેટમાં આવી ગયો છે. આ બાળક ચીનના યૂન્નાન પ્રાંતના મેંઘાઈ કાઉન્ટીમાં રહે છે. ચીનમાં છેલ્લા અઠવાડિયાથી પ્લેગના ફેલાવાનો મામલો સામે આવ્યો છે. જોકે તેની ખરાઈ રવિવારે થઈ છે.
ચીનમાં છેલ્લા અઠવાડિયાથી પ્લેગના ફેલાવાનો મામલો સામે આવ્યો છે.
આ રોગની ખરાઈ રવિવારે થઈ છે
આ પહેલા યુન્નાનમાં પ્લેગથી 3 લોકોના મોત થયા છે
ડેલી એક્સપ્રેસના રિપોર્ટ મુજબ પ્લેગ સંક્રમિત બાળકોની હાલત સ્થિર છે. આ ઘટના બાદ ચીની પ્રશાસના વિસ્તારમાં ચોથા સ્તરની કટોકટીની જાહેરાત કરી છે. પ્રશાસનનો પ્રયાસ છે કે કોરોના વાયરસની જેમ વધુ એક બિમારી ન ફેલાય. આથી કટોકટીની જાહેરાત કરવામાં આવી છે. આ પહેલા યુન્નાનમાં પ્લેગથી 3 લોકોના મોત થયા છે.
ચીનના સરકાર અખબાર ગ્લોબલ ટાઈમ્સના જણાવ્યાનુંસાર મેંઘાઈના શિડિંગ ગામમાં ઉંદરના પ્રસારની જાહેરાત કરવામાં આવી છે. આ પહેલા ઓગસ્ટમાં ઉત્તર મંગોલિયામાં પ્લેગ ફેલાવવાના મામલો સામે આવ્યો હતો. આ પહેલા દેશમાં લેવલ 3ના સ્તરે ચેતવણી આપવામાં આવી હતી. મંગોલિયામાં પ્લેગના 22 શંકાસ્પદ કેસ સામે આવ્યા હતા. જેમાંથી 6ની પુષ્ટિ કરાઈ હતી.
માણસોમાં આ બીમારી ખાસ કરીને કેટલાક જાનવરોના કારણે ફેલાઈ રહી છે. સેન્ટર ફોર ડિસિઝ કંટ્રોલ એન્ડ પ્રીવેન્શનના અનુસાર ઉંદર, ખિસકોલી અને મૈમલ્સના શરીરમાં પ્લેગના બેક્ટેરિયા રહે છે. તેના કરડવાથી કે તેના સંપર્કમાં આવવાથી તે માનવ શરીરમાં પ્રવેશ કરે છે. બ્યૂબોનિક પ્લેગ સૌ પહેલાં જંગલી ઉંદરથી થતો હતો. ઉંદરના મૃત્યુ બાદ આ પ્લેગના બેક્ટેરિયા પિસ્સુઓની મદદથી માનવ શરીરમાં પ્રવેશ કરતા હતા. તે જ્યારે માણસને કરડતા ત્યારે સંક્રામક લિક્વિડ માણસોના લોહીમાં પ્રવેશ કરતું. બ્યૂબોનિક પ્લેગ આ અગાઉ દુનિયામાં ત્રણ વખત ફેલાય ચુક્યો છે. પહેલી વાર આ મહામારીના કારણે 5 કરોડ, બીજી વખત યુરોપની 1/3 જનસંખ્યા અને ત્રીજી વખત 80 હજાર લોકોના જીવ ગયા હતા. હવે આ ચોથી વખત બિમારી ફેલાવાના સમાચાર 10 દિવસની અંદર ચીન અને અમેરિકામાંથી આવ્યાં છે.
બ્યૂબોનિક પ્લેગને ગિલ્ટીવાળો પ્લેગ પણ કહેવામાં આવે છે. જેનાથી શરીરમાં વધારે દુખાવો થાય છે, તેજ તાવ થાય છે. હાર્ટબીટ ઝડપી થઇ જાય છે. બે-ત્રણ દિવસની અંદર ગુમડા (ચાઠા) થવા લાગે છે. 14 દિવસમાં ગુમડા (ચાઠા) પાકી જતી હોય છે. ત્યારબાદ શરીરમાં જે દુખાવો થાય છે તે અસહ્ય થતો હોય છે.