વિવાદ / લદાખમાં તણાવ વચ્ચે ચીને હિમાચલ પ્રદેશની સરહદ પાસે કરી નાખ્યું આ કામ !

• સરહદી વિસ્તારના ગ્રામીણોએ કર્યો દાવો 
• ચીને 20 કિમી લાંબી સડક બનાવી લીધો હોવાનો દાવો 
• ચીન તરફથી ડ્રોન આવ્યા હોવાની પોલીસે પણ પુષ્ટિ કરી 

લદાખમાં અથડામણ અને તણાવ બાદ હવે ચીને હિમાચલ પ્રદેશની સરહદ પર રોડનું નિર્માણ કરી લીધું છે. હિમાચલ પ્રદેશના કિન્નૌર જિલ્લાના કુન્નુ ચારંગ સરહદી ગામ છે. કુન્નુ ચારંગના ગ્રામીણોએ ચીની ક્ષેત્ર પર આ દાવો કર્યો છે કે ચીને ત્યારે બે મહિનામાં ચીને 20 કિમી લાંબી રોડ બનાવી લીધી છે. 

પોલીસે કહ્યું આટલા સમયમાં આ શક્ય નથી 

ગ્રામીણોનો દાવો છે કે ચીન અડધી રાતે અંધારામાં જ સડક નિર્માણનું કામ કરે છે. ચીન તરફથી રાતના સમયે ડ્રોન પણ ઉડે છે. અહેવાલમાં દાવો કરવામાં આવ્યો છે કે ગ્રામીણ લોકોએ કહ્યું છે કે ચીને નો મેન્સ લેન્ડ પર જ સડક નિર્માણ કર્યું હોઈ શકે છે. કિન્નૌરના એસપીએ સરહદી ગામમાં ડ્રોન આવ્યા હોવાની પુષ્ટિ કરી છે. જોકે સડક નિર્માણને લઈને તેમણે કહ્યું હતું કે આટલા ઓછા સમયમાં આટલી લાંબી રોડ બની ન શકે. 

સરહદી વિસ્તારના લોકોએ કર્યો દાવો 

એસપીએ કહ્યું કે ગ્રામીણો આ સંબંધમાં જાણકારી આપી હતી અને ભારતીય સરહદ વિસ્તારમાં આવું કશું નથી થઇ રહ્યું. ગભરાવવાની જરૂર નથી. કુન્નુ ચારંગ ગામના સરપંચે કહ્યું હતું કે અમુક લોકો ખેમકુલ્લા પાસે ગયા હતા જે બાદ સડક નિર્માણ થયું હોવાનો ઘટસ્ફોટ થયો છે. તેમણે વધુમાં કહ્યું કે આ નિર્માણ રાતોરાત નહીં થયું હોય. નોંધનીય છે કે આ ગામ સરહદથી એકદમ નજીક છે એવામાં સરપંચે જણાવ્યું હતું કે ત્યાં કોઈ સારા રસ્તા નથી અને મોબાઈલ ફોન તો છે પણ નેટવર્ક માટે 14 કિમી દૂર જવું પડે છે. 

ગ્રામીણો વર્ણવી પરિસ્થિતિ 

નોંધનીય છે કે અહેવાલમાં દાવો કરવામાં આવ્યો છે કે અમુક લોકો સરહદ તરફ ગયા હતા જ્યાં આ દ્રશ્ય જોવા મળ્યા હતા. સરહદની પાર યમરંગ લા તરફ પણ સડક નિર્માણ કરવામાં અવી રહ્યું છે. બળદેવ નેગી, જેપી નેગી, વિપિનકુમાર, ભાગિરામ, નીરજ, મોહન જેવા ગ્રામીણોએક કહ્યું કે સરહદ પર બે કિમી દૂર સડક નિર્માણ થઇ ગયું છે. તે લોકોએ દાવો કર્યો છે કે ચીન ત્યાં રાતે રોડ બનાવે છે અને તે પહેલા ભારતમાં ડ્રોન મોકલી દે છે.