કોરોના વાઇરસ / ચીનમાં એવી પરિસ્થિતિ ઊભી થઈ કે 6 દિવસમાં 1000 બેડની હૉસ્પિટલ કરી દીધી તૈયારમાત્ર 6 દિવસમાં હોસ્પિટલ તૈયાર 

• કોરોનાને ચીન આપશે મહાત 
• 1300 લોકો કોરોના વાયરસના સંક્રમણમાં આવી ગયા છે 
• 5 કરોડથી વધુ લોકો પોતાના જ ઘરમાં કોદ બનીને રહી ગયા છે 

માન્યમાં અમને પણ નથી આવતું પરંતુ માનવા માટે મજબૂર છીએ.અને હવે તમે પણ સ્વીકારી લેશો કે ચીન છે તો બધું શક્ય છે. આ તસ્વીર ચીનના વુહાન શહેરની છે જ્યાં એક હજાર બેડની હોસ્પિટલ ઉભી થઈ રહી છે. આ હોસ્પિટલ ચીનમાં ફેલાયેલા કોરોના વાયરસને ડામવા માટે તૈયાર થઈ રહી છે. દ્રશ્યોને પહેલી નજરે જોતા તો એવો આભાસ થશે કે આ કોઈ કન્ટ્રક્સન સાઈડ છે. તમારો અંદાજ પણ સાચો છે. પરંતુ જે રીતે મોટી સંખ્યામાં મશીનોની ફોજ કામ કરી રહ્યા છે, જે રીતે કતારોમાં ટ્રકોની લાઈનો લાગી છે, તે સ્થિતિ જ દર્શાવે છે કે આ કન્ટ્રક્સન સાઈડમાં કાંઈક તો અજીબ છે. પરંતુ આ અજીબ ઘટના એ છે કે અહીં જ 25 હજાર ચોરસ મીટરમાં હોસ્પિટલ ઉભી કરાઈ રહી છે.  

`કોરોના'ને ડામવા તૈયારી?

અહીં આપણને સવાલ એ થતો હશે કે ચીનને આ પ્રકારે તાત્કાલીક હોસ્પિટલ ઉભી કરવાની જરૂર શા માટે પડી? તો આપને જણાવી દઈએ કે ચીનમાં અને તેમાં પણ ખાસ કરીને વુહાનમાં કોરોના વાયરસે હાહાકાર મચાવ્યો છે જે વાયરસ 41 લોકોનો ભોગ લઈ ચૂક્યો છે જ્યારે 1300 લોકો તેના સંક્રમણમાં આવી ગયા છે. 

કોરોનાના ભયથી ચીને 18 શહેરોને કર્યા સીલ  

આ મોતના વાયરસનો ભય એટલો ફેલાયો છે કે ચીને પોતાના 18 શહેરોને સીલ કરી દીધા છે. જ્યારે 5 કરોડથી વધુ લોકો પોતાના જ ઘરમાં કેદ બનીને રહી ગયા છે. સ્થિતિ એવી પેદા થઈ છે કે જ્યાં નવા વર્ષની ઉજવણી થઈ રહી હતી ત્યારે વિશ્વસ્વાસ્થ્ય સંગઠને કટોકટીની સ્થિતિ જાહેર કરી દીધી છે.

તમામ પ્રકારની સુવિધાઓથી સજ્જ હશે હોસ્પિટલ  

કોરોના વાયરસને જ ડામવા માટે ચીન આ હોસ્પિટલ તૈયાર કરી રહ્યું છે જેમાં એક હજાર બેડ તો હશે જ પણ સાથે-સાથે તમામ પ્રકારની આધુનિક સુવિધાઓ પણ ઉપલબ્ધ હશે. આ હોસ્પિટલમાં 3 ફેબ્રુઆરીથી કોરોના વાયરસની ચપેટમાં આવેલા લોકોની સારાવાર પણ શરૂ કરી દેવામાં આવશે. 

આ પહેલા પણ 2003માં બેઈજિંગમાં સાર્સ વાયરસ ફેલાયો હતો 

જો કે આ ઘટના ચીન માટે કોઈ નવી નથી કારણ કે 2003માં જ્યારે બેઈજિંગમાં સાર્સ વાયરસ ફેલાયો હતો ત્યારે પણ આ રીતે જ 7 દિવસમાં હોસ્પિટલ ઉભી કરાઈ હતી. જો કે આ દરમિયાન 800થી વધુ લોકોના મોત થયા હતા અને તે વાયરસ 30 દેશોમાં ફેલાયો હતો તેવી જ રીતે હાલ કોરોના વાયરસ વિશ્વમાં ફેલાઈ રહ્યો છે. અત્યાર સુધીમાં અનેક દેશોમાં તેની અસર જોવા મળી રહી છે. ભારતમાં પણ કેરળ, મુંબઈ અને હૈદરાબાદની હોસ્પિટલોમાં ચીનથી પરત ફરેલા 10 લોકો નિરિક્ષણમાં છે. જોકે હાલ તો ચીનની સાથે-સાથે વિશ્વ આ વાયરસનો તોડ શોધી રહ્યું છે ત્યારે આશા રાખીએ કે આ વાયરસને ડામવા માટે વહેલી તકે વૈજ્ઞાનિકોને સફળતા મળે.