પ્રથમ / આ દેશે આંતરરાષ્ટ્રીય પ્રવાસીઓ માટે લોન્ચ કર્યો ‘વાયરસ પાસપોર્ટ’, આવું કરનારો પહેલો દેશ બન્યો

• આ સર્ટિફિકેટ વીચેટના માધ્યમથી ઉપલબ્ધ થશે
• આંતરરાષ્ટ્રીય પ્રવાસીઓ માટે હેલ્થ સર્ટિફિકેટ પ્રોગ્રામની શરુઆત કરી દીધી
• આવું કરનારો ચીન દુનિયાનો પહેલો દેશ બન્યો

આંતરરાષ્ટ્રીય પ્રવાસીઓ માટે હેલ્થ સર્ટિફિકેટ પ્રોગ્રામની શરુઆત કરી દીધી

ચીને પોતાના આંતરરાષ્ટ્રીય પ્રવાસીઓ માટે હેલ્થ સર્ટિફિકેટ પ્રોગ્રામની શરુઆત કરી દીધી છે. આવું કરનારો ચીન દુનિયાનો પહેલો દેશ બન્યો છે. એટલે કે બહારથી આવનારાની પાસે હવે એક ડિજિટલ સર્ટિફિકેટ હશે. જે યુઝર્સને રસી સ્ટેટસ અને ટેસ્ટના પરિણામ બતાવશે. અનેક અન્ય દેશો પણ આ પ્રકારના સર્ટિફિકેટ્સને લઈને વિચાર કરી રહ્યા છે.

સર્ટિફિકેટ વીચેટના માધ્યમથી ઉપલબ્ધ થશે

 આ સર્ટિફિકેટ સોશિયલ મીડિયા પ્લેટફોર્મ વીચેટના માધ્યમથી ઉપલબ્ધ થશે. સરકારે સોમવારે આની શરુઆત કરી દીધી છે. જો કે આ સર્ટિફિકેટ્સ ફક્ત ચીની નાગરિકો માટે ઉપલબ્ધ છે. હાલમાં તેને ફરજિયાત નથી કરાયુ. ડિજિટલ ફોર્મેટ ઉપરાંત આ સર્ટિફિકેટ કાગળના ફોર્મમાં પણ રહેશે. આને દુનિયાનો પહેલો વાયરસ પાસપોર્ટ કહેવામાં આવી રહ્યો છે.

બીજા દેશમાં શું છે સ્થિત 

અમેરિકા અને બ્રિટેન તે દેશોમાં છે જે ફિઝિકલી આવા પર્મિટને લાગૂ કરવા અંગે વિચાર કરી રહ્યા છે. યુરોપિયન સંઘ પણ રસી ગ્રીન પાસ પર કામ કરી રહ્યું છે. આના માધ્યમથી નાગરિક સંઘના સભ્ય દેશો અને બીજા વિદેશ જઈ શકશે. ન્યૂઝ એજન્સી શિન્હુઆની રિપોર્ટ અનુસાર ચીનમાં શરુ થયેલા આ કાર્યક્રમમાં એક ક્યૂઆર કોડ સામેલ થશે. જે તમામ દેશોના પ્રવાસીઓની જાણકારી આપશે. ચીનમાં ઘરેલુ પાસપોર્ટ અને બીજી સાર્વજનિક જગ્યાઓ પર પ્રવેશ માટે વીચેટ અને બીજા ચીની સ્માર્ટફોર્ન એપમાં હાજર ક્યૂઆર કોર્ડની જરુર હોય છે.

ચીનમાં કોરોના વાયરસ

વલ્ડોમીટરના આંકડા જણાવે છે કે ચીનમાં અત્યાર સુધી 90 હજારથી વધારે કેસ સામે આવી ચૂક્યા છે. આમાં અત્યાર સુધીમાં 4 હજાર 636 દર્દીઓના મોત થઈ ચુક્યા છે. દેશમાં 85 હજાર 201 સંક્રમિત સાજા થઈ ઘરે પરત ફર્યા છે. અમેરિકા હજું પણ સૌથી અસરગ્રસ્ત દેશ બનેલો છે. દુનિયાભરમાં અત્યાર સુધીમાં કોરોના વાયરસના કુલ 11 કરોડ 86 લાખ 38 હજાર 111 મામલા દાખલ થયા છે.