રણનીતિ / ભારતને વધુ એક ઝટકો, ચીને નેપાળ બાદ બાંગ્લાદેશને પોતાની તરફ કરવા ચાલી આ ચાલ

• ચીન 1 અરબ ડોલરની લોન આપી રહ્યુ છે બાંગ્લાદેશને
•  ભારત - બાંગ્લાદેશની વચ્ચે પાણીની વહેંચણીને લઈને સમજૂતી થઈ શકી નહોતી
• ડિસેમ્બર સુધીમાં આ યોજના પર કામ શરુ થઈ જશે

બાંગ્લાદેશના જળ સંસાધન મંત્રાલય હસ્તક રહેલા જળ વિકાસના એડિશનલ ચીફ એન્જિનિયર જ્યોતિ પ્રસાદ ઘોષે બેનાર ન્યૂઝ સાથેની વાતચીતમાં કહ્યું કે તીસ્તા નદીના મેનેજમેન્ટ માટે બહુ મોટી પરિયોજના શરુ કરવામાં આવી રહી છે. જેના ફંડિંગને લઈને ચીને સહમતિ આપી દીધી છે. આશા છે કે આપણે ડિસેમ્બર સુધીમાં આ યોજના પર કામ શરુ કરી દઈશું.

તીસ્તા નદીની આ પરિયોજના માટે 853 મિલિયન ડૉલરની મદદ માંગી હતી. આવું પહેલી વાર થશે કે ચીન બાંગ્લાદેશની કોઈ યોજનામાં જોડાશે અને ફંડ આપશે. એક અખબારે લખ્યુ કે મંત્રાલયે ચીન પાસે તીસ્તા નદી પ્રોજેક્ટ માટે 883.27 મિલિયનનું ઉધાર માંગ્યુ હતું. 

 ભારત સાથે તીસ્તા નદીના જળ વહેંચણીની સમજૂતિને લઈને બાંગ્લાદેશ કોઈ નિર્ણયે પહોંચવા માટે રાહ જોઈ રહ્યુ હતુ. ઘણી વાર તેને પોતાની સમસ્યા માટે ભારતને કહ્યું પણ ભારતે તેની વાત ફગાવી દીધી હતી. પાણી માટે બાંગ્લાદેશ ભારત પર નિર્ભર છે. જોકે પ. બંગાળના સીએમ મમતા બેનર્જીના વિરોધને લીધે આ સમજૂતિ 8 વર્ષો સુધી લટકતી રહી છે.

તીસ્તા નદી ભારતના લામોથી નીકળી સિક્કિમ, પ. બંગાળથી પસાર થાય છે. બાંગ્લાદેશના ચિલ્મડીમાં બ્રહ્મપુત્ર નદીમાં મળતા પહેલા તે રંગપુર ડિવીજનમાં પ્રવેશ કરે છે. તીસ્તા તે 54 નદીઓમાંથી એક છે જે ભારતમાંથી બાંગ્લાદેશમાં પ્રવેશે છે.

છેલ્લા મહિનામાં ઢાકા અને બેજિંગની વચ્ચે નજદીકિયા વધી રહી છે. ચીને જૂન મહિનામાં બાંગ્લાદેશની 97 ટકા નિકાસ પર ટેરિફ મુક્ત કરવાની જાહેરાત કરી હતી. બાંગ્લાદેશ અને ચીનની વચ્ચે વ્યાપારિક સંબંધ જ નહીં પણ સ્વાસ્થ્ય ક્ષેત્રે પણ સહયોગ બની રહ્યો છે. જૂનમાં ચીને ડૉક્ટરોનું પ્રતિનિધી મંડળ બાંગ્લાદેશમાં મદદ માટે મોકલ્યું હતુ.