પૂર્વ લદ્દાખના કેટલાક નવા ભાગોમાં ચીન દ્વારા મોબિલાઈઝેશન કરવામાં આવી રહ્યું છે. આ સંકેત છે કે ચીનની પીપલ્સ લિબરેશન આર્મી (પીએલએ) દૌલત બેગ ઓલ્ડિ (ડીબીઓ) અને ડેપસાંગ સેક્ટરમાં નવો મોરચો ખોલી શકે છે.
જૂનમાં ચાઇનીઝ બેઝ નજીક કેમ્પ અને વાહનો જોવા મળ્યા છે
જે ચીન તરફથી વર્ષ 2016 પહેલાથી બનાવવામાં આવ્યા હતા.
નવા કેમ્પ અને વાહનો માટે ટ્રેક બનાવવામાં આવ્યા છે
એક મીડિયા હાઉસના સૂત્રોના જણાવ્યાનુંસાર આ આંકડાએ ખાતરી આપી છે કે પૂર્વ દૌલત બેગ ઓલ્ડિમાં ચીની મોબિલાઈઝેશન કરવામાં આવી રહ્યું છે. જૂન મહિનામાં ચાઇનીઝ બેઝ નજીક કેમ્પ અને વાહનો જોવા મળ્યા છે. આ બેઝ ચાઈના દ્વારા 2016 પહેલા બનાવવામાં આવ્યા હતા. પરંતુ આ મહિને સેટેલાઇટની છબીઓ બહાર આવી છે કે નવા કેમ્પ અને વાહનો માટે ટ્રેક બનાવવામાં આવ્યા છે. ગ્રાઉન્ડ ટ્રેકિંગ દ્વારા પણ તેની પુષ્ટિ કરવામાં આવી છે.
મેના અંતમાં ભારતને સમજાઈ ગયુ હતું કે ચાઇના ડેપસંગમાં મોબિલાઈઝેશન થઈ શકે છે અને ત્યાર બાદ તે આ ક્ષેત્રમાં પોતાની હાજરી પાકી કરી લીધી છે. ડેપસંગએ તે વિસ્તાર છે જ્યાં 2013 માં ચીની સેનાએ ઘૂસણખોરી કરી હતી.
બીજી તરફ ગલવાન ખીણમાં બંને સેના વચ્ચે થયેલી હિંસક અથડામણ બાદ બંને દેશો વચ્ચે વિવિધ સ્તરે ચર્ચા ચાલુ છે. સૈન્ય સ્તરે વાતચીત બાદ આજે ભારત-ચીન વચ્ચે રાજદ્વારી કક્ષાની વાટાઘાટો થશે. સંયુક્ત સચિવ આજે ભારત અને ચીન વચ્ચે વાતચીત કરશે. નવીન શ્રીવાસ્તવ ભારતવતી સંયુક્ત સચિવ રહેશે અને ચીનવતી ડીજી સરહદ વિભાગ વાતચીતમાં સામેલ થશે.
આ પહેલા બંને દેશો વચ્ચે મુખ્ય કમાન્ડર-સ્તરની વાતચીત થઈ હતી. આ વાતચીતમાં ભારતે સ્પષ્ટ કહ્યું છે કે 5 મેના દિવસની સ્થિતિ પર ચીન જ્યારે પાછું આવશે ત્યારે જ સ્થિતિ સુધરશે. આ અગાઉ, 22 જૂને ગલવાન વેલીના મોલ્ડોમાં 11 કલાક માટે બંને પક્ષના કોર કમાન્ડરોની બેઠક મળી હતી.