ચીનના શાંઘાઈમાં કોરોના વાયરસના સંક્રમણ પર લગામ લગાવવા માટે સંઘર્ષ કરી રહેલા ચીને દેશભરના 10,000થી વધારે સ્વાસ્થ્ય કર્મીઓને પોતાના સૌથી મોટા શહેરમાં રવાના કરી દીધા છે.
ચીનમાં કોરોનાનો હાહાકાર, સેનાએ સંભાળી કમાન
કોરોનાના કેસોનો રાફડો ફાટતા શાંઘાઈમાં લોકડાઉન
10 હજારથી વધારે સ્વાસ્થ્યકર્મીઓને રવાના કર્યા
ચીનના શાંઘાઈમાં કોરોના વાયરસના સંક્રમણ પર લગામ લગાવવા માટે સંઘર્ષ કરી રહેલા ચીને દેશભરના 10,000થી વધારે સ્વાસ્થ્ય કર્મીઓને પોતાના સૌથી મોટા શહેરમાં રવાના કરી દીધા છે. તેમાંથી 2,000થી વધારે સૈન્ય તબીબો પણ સામેલ છે. શાંઘાઈમાં બે તબક્કામાં લોકડાઉન સોમવારે બીજા અઠવાડીયામાં પ્રવેશ કરતાની સાથે શહેરના અઢી કરોડ લોકોના સામૂહિક ટેસ્ટ કરવામાં આવ્યા છે.
કર્મચારીઓને કોરન્ટાઈન રાખીને ભલે કેટલાય કારખાના અને નાણકીય કંપનીઓએ પોતાનું કામકાજ ચાલુ રાખવામાં સફળ રહી હોય, પણ લોકડાઉનનો સમય વધતાં ચીનની આર્થિક રાજધાની અન્ય મુખ્ય શહેર પર વધી રહેલા નાણાકીય પ્રભાવોને લઈને ચિંતાના વાદળો છવાયેલા છે.
સાર્સ કોવ-2 વાયરસનું અત્યંત સંક્રામક સ્વરૂપ ઓમિક્રેન બીએ- 2 પોતાની ઝીરો કોવિડ સ્થિતિ ચાલી રાખવાની ચીનની રણનીતિની પરીક્ષા લઈ રહ્યું છે. ચીનની રણનીતિનો ઉદ્દેશ્ય તપાસમાં સંક્રમણની પુષ્ટિ બાદ તમામ સંક્રમિતોને પૃથક કરીને વાયરસના પ્રસાર પર લગામ લગાવાનું છે. પછી ભલે તેમાં લક્ષણ હોય કે ન હોય.
ચીનમાં 24 કલાકમાં કોરોનાના 13,000થી વધારે નવા કેસ આવ્યા
શાંઘાઈમાં એક પ્રદર્શની હોલ અને અન્ય પ્રતિષ્ઠાનોને મોટા કોરન્ટાઈન સેન્ટર બનાવી દેવામાં આવ્યા છે. જ્યાં હંગામી ધોરણ વિભાજિત બેડ પર હળવા અથવા તો લક્ષણો વગરના સંક્રમિતોને રાખવામાં આવી રહ્યા છે. ચીનમાં છેલ્લા 24 કલાકમાં કોરોના વાયરસના નવા 13,000થી વધારે કેસો આવ્યા છે. તેમાં લગભગ 12,000 સંક્રમિત એસિમ્ટોમેટિક એટલે કે, લક્ષણ વગરના કેસો છે. લગભગ 9,000 કેસો એકલા શાંઘાઈમાં જ આવ્યા છે.
શાંઘાઈમાં મોકલવામાં આવ્યા 15000 ડોક્ટર્સ
એક રિપોર્ટમાં જણાવ્યા અનુસાર સોમવારે સવારે પડોશી જિયાંગ્સૂ અને ઝેઝિયાંગથી લગભગ 15000 તબીબોને બસ દ્વારા શાંધાઈમાં રવાના કરવામાં આવ્યા હતા. એક સૈન્ય અખબારમાં જણાવ્યા અનુસાર તેમાં સૌથી પહેલા રવિવારે સેના, નૌસેના અને સંયુક્ત લોજિસ્ટિક સહયોગ દળના 2000થી વધારે કર્મચારીઓ શાંઘાઈ પહોંચ્યા હતા. એક અન્ય રિપોર્ટમાં જણાવ્યા અનુસાર ચાર અન્ય પ્રાંતમાંથી મોટી સંખ્યામાં પોતાના તબીબોને, નર્સોને અને અન્ય સ્વાસ્થ્યકર્મીઓને શાંઘાઈ મોકલવામાં આવ્યા છે.