લોકોમાં રોષ / ચીનમાં કેમ લાગી રહ્યા છે આઝાદીના નારા? આ કારણે રસ્તા પર ઉતરી ભીડ, જિનપિંગ સામે જોરદાર ગુસ્સો

• ચીનમાં કોરોના કેસ સાથે લોકોનો ગુસ્સો પણ વધ્યો
• કડક નિયમો અને નીતિ સામે લોકો એકઠા થયા હતા
• ભીડે નેતા શી જિનપિંગના રાજીનામાની પણ માંગ કરી

ચીનમાં કોરોના કેસ વધતા ત્યા લાદવામાં આવેલી કડક કોવિડ નીતિ સામે શનિવારે રાત્રે શાંઘાઈ સહિત ઘણા શહેરોમાં લોકોનો ગુસ્સો ફાટી નીકળ્યો હતો. જેના વિરોધમાં લોકોએ સરકાર વિરુદ્ધ સૂત્રોચ્ચાર કર્યા હતા. શાંઘાઈમાં ભીડે ચીનની કમ્યુનિસ્ટ પાર્ટી અને તેના નેતા શી જિનપિંગના રાજીનામાની પણ માંગ કરી હતી. લોકોએ 'સ્ટેપ ડાઉન સીસીપી' અને 'સ્ટેપ ડાઉન જિનપિંગ'ના નારા લગાવ્યા. ચીનમાં આ એક દુર્લભ દૃશ્ય હતું. જેના પરથી સ્પષ્ટ થાય છે કે કડક કોવિડ લોકડાઉનને કારણે સામાન્ય લોકોની નિરાશા વધી રહી છે. આ વિરોધના ઘણા વીડિયો પણ સોશિયલ મીડિયા પર શેર કરવામાં આવ્યા હતા.

લોકોએ કડક નિયમોનો વિરોધ કર્યો
પશ્ચિમ ચીનના શિનજિયાંગ પ્રાંતની રાજધાની ઉરુમકીમાં શુક્રવારે કડક કોવિડ નિયમો સામે લોકોનો ગુસ્સો ભડક્યો. જે બાદ રોડ પર ચક્કાજામ કરવામાં આવ્યો હતો. એક દિવસ પહેલા જ એક એપાર્ટમેન્ટમાં આગ લાગવાથી ઓછામાં ઓછા 10 લોકો માર્યા ગયા હતા અને 9 લોકો ઘાયલ થયા હતા. ઘણા ચાઈનીઝ લોકોનું કહેવું છે કે કોવિડ પ્રતિબંધોને કારણે લોકોને ઘર છોડીને ભાગવામાં મુશ્કેલી પડી હતી. જેના કારણે તેનું મોત થયું હતું. આ પછી, દેશભરના ઘણા શહેરોમાં કડક કોવિડ નિયમો સામે ગુસ્સો ફાટી નીકળ્યો.

Protesters chant 'Step down CCP' in Shanghai against China's zero-Covid policy

Read @ANI Story | https://t.co/S7EUVytBPA#chinaprotest #shanghaiprotest #chinacovidprotest #Chinacovidpolicy #UrumqiProtest #chinazerocovid pic.twitter.com/VbzCHrNVuC

— ANI Digital (@ani_digital) November 27, 2022

વિદ્યાર્થીઓ રસ્તા પર ઉતર્યા 
જો કે, શનિવારે સૌથી મોટો વિરોધ શાંઘાઈમાં થયો હતો, જ્યાં કોલેજ અને યુનિવર્સિટીના વિદ્યાર્થીઓ સહિત સેંકડો લોકોએ ભાગ લીધો હતો. તેઓ મૃતકોનો શોક કરવા માટે મીણબત્તીઓ અને કાર્ડ્સ સાથે ઉરુમકી રોડ પર એક ક્રોસરોડ પર એકઠા થયા હતા. ભીડને રોકવાના પોલીસના પ્રયાસોને નકારીને લોકોની સંખ્યા સતત વધતી રહી અને પછી સૂત્રોચ્ચાર શરૂ થયો. લોકોએ કોવિડ નિયંત્રણમાં છૂટછાટની માંગ કરી. ચીનની કઠોર કોવિડ નીતિઓને દેશની તાજેતરની આર્થિક મંદી સાથે જોડવામાં આવી રહી છે. કોવિડ નિયમોને કારણે રેસ્ટોરન્ટ્સ, ટૂર ઓપરેટરો અને અન્ય નાના વ્યવસાયોને નુકસાન થયું છે.