CORONAVIRUS / કોરોના વાયરસના પીડિતોની જાણકારી મેળવવા ચીને કરી ગજબ જાહેરાત

જો કોઈ વ્યક્તિ પોતે કોરોના વાયરસથી ઇન્ફેક્શન પામેલો છે અને તે તેની જાણકારી આપે છે અને અને તેનો ટેસ્ટ પોઝિટિવ આવે છે તો સરકાર તેને 10000 યુઆનની ઇનામ આપશે. નોંધનીય છે કે વુહાન શહેરથી 150 કિમી દૂર સ્થિત કિયાનજિયાંગ શહેરમાં અત્યાર સુધી સંક્રમણના 197 કેસીસ બહાર આવી ચુક્યા છે. 

બીજા શહેરોની જેમ કિયાનજિયાંગમાં પણ ઓથોરિટીઝ વડે સંક્રમણની જાણકારી આપનાર લોકોને કેશમાં ઇનામ આપવાનું એલાન કર્યું છે. સરકારનું કહેવું છે કે આ નિર્ણય એટલે લેવામાં આવ્યો છે જેથી વધુમાં વધુ સંક્રમિત લોકો બહાર આવે જેથી તેમનો ઈલાજ થઇ શકે. 

નોંધનીય છે કે અત્યાર સુધી કોરોના વાયરસના દુનિયાભરમાં 80000 કેસ સામે આવી ચુક્યા છે અને 2800 જેટલી મોત થઇ ચુકી છે. 

એકલા હુબેઇ પ્રાંતમાં જ 65000 કેસ નોંધાયા છે અને એકલા આ પ્રાંતમાં 2600 લોકોનાં મોત નોંધાયા છે. ચેપની સમસ્યા નિવારવા કામ કરી રહેલા કિયાનજિયાંગ ટાસ્ક ફોર્સે નોટિસ જાહેર કરી છે કે જો કોઈ વ્યક્તિ પોતાના ચેપ અંગે જણાવશે અને જો તે પીડિત હોવાની પુષ્ટિ કરવામાં આવે તો તેને 10,000 યુઆન આપવામાં આવશે.

જો કે જેમને પહેલાથી ચેપથી પીડાતા હોવાની પુષ્ટિ કરવામાં આવી છે તેઓને આ રકમ મળશે નહીં. અધિકારીઓએ હુબેઇના હન્યાંગ અને હુઆંગગુઆંગમાં પણ રોકડ પુરસ્કારની જાહેરાત કરી છે. આ ઉપરાંત જિઆંગ્સી અને હેબેઇના સ્થાનિક વહીવટી તંત્રે પણ ચેપથી પીડિત લોકોને માહિતી પર 300 થી 500 યુઆન આપવાની જાહેરાત કરી છે.