ભારત ઉપરાંત ચીન, જર્મની અને જાપાન જેવા બીજા દેશોમાં પણ શ્રાદ્ધ અલગ અલગ પ્રકારે ઉજવવામાં આવે છે.
શ્રાદ્ધ પક્ષ દરમિયાન પિતૃઓને યાદ કરવામાં આવે છે
ચીન, જર્મની, સિંગાપુર જેવા દેશોમાં પણ છે આવઆઇ પરંપરા
વિદેશોમાં પણ પિતૃઓને અલગ અલગ પ્રકારે યાદ કરવામાં આવે છે
હિન્દુ ધર્મમાં માનવાવાળા બધા લોકો શ્રાદ્ધ પક્ષ દરમિયાન પોતપોતાના પિતૃઓના મૃત્યુની તિથી પર તેમની આત્માની શાંતિ માટે શ્રાદ્ધ, તર્પણ વગેરે કર્મ કરે છે. તમને જાણીને આશ્ચર્ય થશે કે અન્ય દેશો જેવાકે ચીન, જર્મની, સિંગાપુર અને મલેશિયામાં પણ પિતૃઓને યાદ કરીને વિશેષ આયોજન કરવામાં આવે છે. આ આયોજનોમાં લોકો અલગ અલગ પ્રકારે પિતૃઓને શ્રદ્ધાંજલિ આપે છે.
ફ્રાંસમાં લા ટેસેંટ
આ દેશમાં લોકો પોતાના પૂર્વજોની યાદમાં લા ટેસેંટ મનાવે છે, જેનું આયોજન 1 નવેમ્બરના રોજ કરવામાં આવે છે. આ દિવસે લોકો પોતાના મૃત પરિજનોની કબર પર જઈને ટેમને યાદ કરે છે અને તાજા પૂજાના ફૂલ અને ગુલદાસ્તા ચઢાવે છે. સાથે જ તેમણી કબરો પર મીણબત્તી પણ સળગાવે છે.
જાપાનમાં બોન ફેસ્ટિવલ
શ્રાદ્ધ પક્ષની જેમ જ જાપાનમાં 15 દિવસો સુધી બોન ફેસ્ટિવલ મનાવવામાં આવે છે. આ ફેસ્ટિવલ ઓગસ્ટના બીજા પખવાડિયામા એટલે કે 15 દિવસો સુધી મનાવવામાં આવે છે. આ દરમિયાન લોકો પોતાના પૂર્વજોને યાદ કરીને પિતૃક ગામમાં જય છે અને તેમણી કબરો પર ફૂલ ચઢાવે છે.
જર્મનીમાં ઓલ સેન્ટસ ડે
જર્મનીમા નવેમ્બર મહિનાના પહેલા દિવસે પિતૃઓની યાદમાં શોક મનાવવામાં આવે છે. આ દિવસે લોકો પૂર્વજોની શાંતિ માટે મીણબત્તીઓ સળગાવે છે.
દક્ષિણ કોરિયામાં ચૂસેઓક
3 દિવસ સુધી ચાલતા આ ઉત્સવમાં લોકો સારા પાક માટે પોતાના પિતૃઓને શ્રદ્ધાંજલિ આપે છે. આ દરમિયાન રોજ સવારે જલ્દી ઊઠીને તાજા કાપેલા ચોખાની દઇશ બનાવે છે અને તેને પિતૃઓની કબર પર રાખે છે.
ચીનમાં ચિંગ-મીંગ ફેસ્ટિવલ
ચિંગનો અર્થ સાફ અને મીંગનો અર્થ ઉજ્જવળ થાય છે. દર વર્ષે 4-5 એપ્રિલના રોજ આ ઉત્સવ મનાવવામાં આવે છે. આ દિવસે લોકો પોતાના પિતૃઓને યાદ કરીને તેમની કબર સફાઇ કરે છે અને પૂજા પ્રાર્થના બાદ કબરની પરિક્રમા કરે છે. આ દિવસે ઠંડુ ખાવાની પરંપરા છે.