ચીને સ્વીકાર્યું છે કે તેણે કોરોના વાયરસના શરુઆતના નમૂનાઓનો નાશ કર્યો હતો. અમેરિકા પહેલાથી ચીન પર આરોપ લગાવી રહ્યું છે. ગયા મહિને યુએસના વિદેશ પ્રધાને દાવો કર્યો હતો કે ચીને વાયરસના નમૂનાઓનો નાશ કર્યો છે.
ચીને જ લેબમાંથી વાયરસને શરુઆતના નમુના નાશ કર્યા
લિયુ ડેંગફેંગે દાવો કર્યો હતો હતો કે...
અમેરિકા શરુઆતથી જ ચીન પર આક્ષેપો કરી રહ્યું છે
ન્યૂઝવીકના અહેવાલ મુજબ, ચીનના રાષ્ટ્રીય આરોગ્ય આયોગના સુપરવાઈઝર લિયુ ડેંગફેંગે શુક્રવારે સ્વીકાર્યું હતું કે, ચીની સરકારે 3 જાન્યુઆરીએ અનાધિકૃત લેબોમાંથી કોરોના વાયરસના નમૂનાઓનો નાશ કરવાનો આદેશ આપ્યો હતો.
જો કે, ચીની અધિકારીએ આક્ષેપોને નકારી કાઢ્યા, જેમાં એવું કહેવામાં આવ્યું હતું કે ચીને કંઇક છુપાવવાના હેતુથી વાયરસના નમૂનાઓનો નાશ કર્યો હતો. લિયુ ડેંગફેંગે દાવો કર્યો હતો - 'લેબમાં બાયોલોજિકલ સુરક્ષા અને આગળ કોઈ બીજો અકસ્માત ન થાય તેથી વાયરસને તેનાથી દૂર કરવા કહેવામાં આવ્યો હતો.'
ચીનના રાષ્ટ્રીય આરોગ્ય આયોગના અધિકારીએ શુક્રવારે બેઇજિંગમાં પત્રકાર પરિષદમાં વાયરસના નમૂનાના અંત વિશે માહિતી આપી હતી. લિયુ ડેંગફેંગે કહ્યું કે આવા નમૂનાઓ માટેની લેબ્સ અનાધિકૃત હતી અને તેમને ચીનના આરોગ્ય કાયદા હેઠળ વાયરસને નાબૂદ કરવો પડ્યો હતો.
લિયુ ડેંગફેંગે જણાવ્યું હતું કે વાયરસના સેમ્પલનો નાશ કરવાનો આદેશ ત્યારે આપવમાં આવ્યો હતો જ્યારે SARS-CoV-2ના ક્લાસ -2 અથવા ઉચ્ચ રોગકારક વાયરસ તરીકે તેને ક્લાસિફાઈડ કરી દેવામાં આવ્યા હતા.
ગયા મહિને યુએસના વિદેશ સચિવ માઇક પોમ્પિયોએ કહ્યું હતું કે 3 જાન્યુઆરીના ચીનના આદેશમાં રોગચાળાને છુપાવવાનો પ્રયાસ હતો. તેમણે ચીને કોરોના વાયરસ અંગે રિસર્ચ સેંસર કરવાનો પણ આરોપ લગાવ્યો હતો.
માઇક પોમ્પીયોએ કહ્યું હતું કે ચીને વાયરસ પર થઈ રહેલા સંશોધનને સેન્સર કરીને બિમારીની વિરુદ્ધ વિશ્વની લડતને પ્રભાવિત કરવાનો પ્રયાસ કર્યો છે. તેમણે કહ્યું હતું- 'કમ્યુનિસ્ટ પાર્ટી ઓફ ચાઇનાએ વાયરસથી સંબંધિત માહિતીને દબાવવાનો પ્રયાસ કર્યો હતો. આ વાયરસ ક્યાંથી ફેલાયો, તે કેવી રીતે ફેલાયો અને માણસોમાંથી કેવી રીતે માણસોને સંક્રમિત થઈ રહ્યા છે. તેના વિશેની માહિતી છુપાવી અને આ માટે ડબ્લ્યુએચઓને પણ કામે લગાવ્યું.