ચૂંટણી 2022 / અત્યારે ભલે શાંત છું, પણ યાદ રાખજો...: BJPના ફાયરબ્રાન્ડ ઉમેદવારની પોસ્ટથી ચર્ચાએ પકડ્યું જોર

• ડભોઈ બેઠકના ભાજપ ઉમેદવારની ચીમકી
• શૈલેષ મહેતાએ ઉચ્ચારી ચીમકી
• ફેસબૂક પોસ્ટ કરીને ઉચ્ચારી ચીમકી

ગુજરાતમાં લોકશાહીનો પર્વ રંગે ચંગે ઉજવાઇ ગયો છે અને તમામ જિલ્લાઓમાં શાંતિપૂર્ણ માહોલમાં પણ મતદાન થઈ ગયું છે તેમજ એગ્ઝીટ પોલ પણ આવી ગયા છે અને જેમાં વિવિધ નેતાઓ અને પાર્ટીઓના જીતના અનુમાન પણ કરવાામાં આવી રહ્યાં છે. મતદાન પહેલા રાજકીય માહોલ જોરદાર ગરમાયો હતો, જેમાં વિવિધ નેતાઓના નિવેદનો આક્ષેપ અને ધમકી,ચીમકીઓ આપણે જોઈ છે પરંતુ ચૂંટણીના મતદાન બાદ ફરી એ બાબતો સામે આવી રહી છે. ડભોઈ વિધાનસભા બેઠકના ભાજપ ઉમેદવાર શૈલેષ મહેતાની ચીમકી સામે આવી છે

ડભોઈ બેઠકના શૈલેષ મહેતાની ચીમકી
ડભોઈ વિધાનસભા બેઠકના ભાજપ ઉમેદવાર શૈલેષ મહેતાની ચીમકી સામે આવી છે તેમણે ફેસબુક પોસ્ટ કરી વિરોધીઓને ચીમકી ઉચ્ચારી છે. ચૂંટણીમાં શૈલેષ મહેતા વિરુદ્ધમાં કામ કરતા લોકોને તેમણે ચીમકી ઉચ્ચારી છે તેમણે પોસ્ટમાં લખ્યું છે કે,  ઇસ વક્ત ખામોશ હું લેકિન યાદ રખ નિશાના તય હે એટલે કે, અત્યારે શાંત છું પણ યાદ રાખો નિશાન નક્કી છે તેમ તેમણે ફેસબુક પોસ્ટ મારફતે જણાવ્યું છે.

શૈલેષ મહેતાનું અગાઉનું વિવાદિત નિવદેન
ડભોઈના વર્તમાન ધારાસભ્ય અને ભાજપના ઉમેદવાર શૈલેષ મહેતાની વડોદરા પાસે ભાયલી ગામે અગાઉ જાહેરસભા યોજાઈ હતી. જેમાં તેઓએ વિરોધીઓ પર આકરા પ્રહાર કર્યા હતા. જે દરમિયાન તેઓએ જણાવ્યું હતું કે, જેને તકલીફ હતી તે ભાજપ છોડીને ચાલ્યા ગયા છે. ભાયલીના સરપંચને ટિકિટ ન મળતાં આપમાં ગયા અને હવે કોંગ્રેસના ટેન્ટમાં જઈને બેસે છે. ભાયલીમાં એમની એટલી બધી ઉપજ છે? હું જાહેરમાં કહું છું તેમને કે આપણે આપણી હેસિયતમાં રહેવું જોઈએ. તમને મોટા બનાવતા આવડે તો નીચે પાડતા પણ આવડે. શૈલેષ સોટ્ટા કોઈથી ગભરાયો નથી અને ગભરાવાનો નથી. 

4 જંગલી કૂતરા સિંહનો ન કરી શકે શિકારઃ શૈલેષ મહેતા 
અગાઉ શૈલેષ મહેતાએ જણાવ્યું હતું કે,  'જંગલમાં કોઈ ચાર જંગલી કૂતરા સિંહને ઘરી લે પણ સિંહનો શિકાર કરી શકે? તમે અમને ઘેરવાનો પ્રયત્ન કરી શકો, અમારો શિકાર ન કરી શકો. તમે સાજીશ કરી શકશો પણ શિકાર તો નહીં જ કરી શકો.'