પાવાગઢમાં ઠંડીનો ચમકારો 8 ડિગ્રી સુધી ગગડ્યું તાપમાન પ્રવાસીઓ ઉમટયા

રાજ્યભરમાં ઠંડીનો ચમકારો જોવા મળી રહ્યો છે ત્યારે આ તરફ પંચમહાલના પ્રસિદ્ધ યાત્રાધામ એવા પાવાગઢમાં પણ ઠંડીનું પ્રમાણ વધ્યું છે. યાત્રાધામ પાવાગઢના પર્વત પર રાત્રીનું તાપમાન 8 ડિગ્રી સુધી પહોંચી ગયું જોવા મળ્યું છે.

પાવાગઢના પર્વત પર સુસવાટા મારતો પવન લોકોના હાડ થીજવી રહ્યો છે. જ્યારે યાત્રાળુઓ પણ મહાકાળી માતાના દર્શન કરવા માટે ઉમટી રહ્યા છે અને કેટલાક યાત્રાળુઓ ઠંડીના કારણે નીચેથી જ ચાલીને જવાનું પસંદ કરી રહ્યાં છે.

ઠંડીનું પ્રમાણ વધતાં લોકો ચ્હા સહિતના ગરમ પીણાનો પણ ઉપયોગ કરી રહ્યા છે. ઉલ્લેખનીય છે કે હાલમાં ગુજરાત રાજ્યમાં શીતલેર યથવાત જોવા મળી રહી છે. હિમાચલ ઉત્તરાખંડમાં ભારે હિમવર્ષના પગલે રાજ્યમાં ઠંડીનો પ્રકોપ જોવા મળ્યો છે.

જો કે હવામાન વિભાગ દ્વારા રાજ્યમાં આગામી બેથી ત્રણ દિવસ સુદી કોલ્ડવેવ રહેશે. જેમાં તાપમાનમાં હજુ પણ 2 થી 4 ડિગ્રી સુધીનો ઘટાડો થઇ શકે છે.