OMG / કંપનીએ ભૂલથી કર્મચારીને આપી દીધી રૂ.1.4 કરોડ સેલેરી, પછી કર્યું એવું કે મેનેજમેન્ટ થયું પરેશાન

• ચિલીની એક કંપનીના કર્મચારીના ખાતામાં આવ્યા 1.42 કરોડ રૂપિયા
• કર્મચારીનો પગાર હતો માત્ર 43 હજાર રૂપિયા 
• કંપનીની ભૂલના કારણે ચૂકવ્યો 286 મહિનાનો પગાર

286 મહિનાનો પગાર એક સાથે ચૂકવી દીધો
કલ્પના કરો કે આજે તમારે પગારની તારીખ છે અને તમે તમારા પગારની આતુરતાથી રાહ જોઈ રહ્યા છો અને સાથે જ, જો તમારા ખાતામાં એક નહીં, બે નહીં પણ એકસાથે આખા 286 મહિનાનો પગાર આવે તો તમે શું કરશો?  તમારી સાથે આવું થશે કે નહીં એ તો નસીબ પર આધાર રાખે છે, પરંતુ ચિલીના એક માણસ સાથે પણ આવું જ થયું હતું. અહેવાલો અનુસાર, ચિલીની એક કંપનીના કર્મચારીએ ગયા મહિને એકાઉન્ટમાં ભૂલથી 286 મહિનાનો પગાર જમા થઇ ગયો હતો.

પરત કરવા માટે હા પાડી
તેનાથી પણ વધુ રસપ્રદ વાત એ છે કે જ્યારે કર્મચારીને પૈસા પાછા આપવાનું કહેવામાં આવ્યું ત્યારે તેણે કંપનીને વચન આપ્યું હતું કે તે ટૂંક સમયમાં જ પૈસા પાછા આપી દેશે, પરંતુ તક જોઈને તે ગાયબ થઈ ગયો. કંપનીના અધિકારીઓનું કહેવું છે કે જ્યારે તેમને ખ્યાલ આવ્યો કે કર્મચારીના ખાતામાં એક સાથે 286 મહિનાનો પગાર જતો રહ્યો છે, ત્યારે તેમણે કર્મચારીનો સંપર્ક કર્યો અને તેને પૈસા પરત કરવા માટે કહેવામાં આવ્યું, કર્મચારીએ પણ પૈસા પરત આપવા માટે હા પાડી, પરંતુ તક જોઈને તે કર્મચારી ગાયબ થઈ ગયો. તેમણે કંપનીમાંથી રાજીનામું આપીને ક્યાં ગયા તે વિશે કોઈની પાસે કઈ ખ્યાલ નથી.

મેનેજમેન્ટને ખબર પડતા કર્યું આવું
અહેવાલો અનુસાર, ચિલીની કંપની કોન્સોર્સિયો ઇન્ડસ્ટ્રીયલ ડી એલિમેન્ટોસે તેના એક કર્મચારીના ખાતામાં  5 લાખ પેસો (ચિલીની કરન્સી) એટલે કે લગભગ 43 હજાર રૂપિયાના બદલે 16.43 કરોડ પેસો એટલે કે ભારતીય રૂપિયા દીઠ આશરે 1.42 કરોડ રૂપિયાના મોકલ્યા છે. કંપની મેનેજમેન્ટને આ ભૂલ વિશે ત્યારે ખબર પડી જ્યારે તેણે તેનું એકાઉન્ટ ચેક કર્યું.

કર્મચારીએ રાજીનામું આપી દીધું 
આ મામલો સામે આવ્યા બાદ કંપનીએ તે કર્મચારી સાથે વાત કરી, કર્મચારીએ બેંકમાં જઈને વધારાના પૈસા પરત કરવા માટે પણ કહ્યું, પરંતુ તેણે તેમ કર્યું નહીં. કંપની કર્મચારીની રાહ જોતી રહી, પરંતુ પૈસાના બદલામાં કર્મચારીએ પોતાનું રાજીનામું મોકલી દીધું. સંપર્ક તૂટ્યા બાદ કર્મચારીનો ફરી સંપર્ક થતાં કર્મચારીએ પૈસા પરત આપવાની વાત કરી હતી, પરંતુ આખરે કર્મચારીએ 2 જૂને રાજીનામું મોકલી દીધું હતું. હવે કંપનીએ આ કેસમાં કાયદેસરની કાર્યવાહી કરવાનો નિર્ણય લીધો છે.