આજરોજ પાટણ લોકસભા ભાજપના ઉમેદવાર ભરતસિંહ ડાભીનો પાટણના વિવિધ ગામોમાં ચૂંટણી પ્રચાર હતો. જેમાં તેઓની પાટણ તાલુકાના બાલીસણા ગામે ચૂંટણી સભા નો કાર્યક્રમ ભાજપના આગેવાન કાર્યકરો દ્વારા યોજવામાં આવ્યો હતો.
આજરોજ પાટણ લોકસભા ભાજપના ઉમેદવાર ભરતસિંહ ડાભીનો પાટણના વિવિધ ગામોમાં ચૂંટણી પ્રચાર હતો. જેમાં તેઓની પાટણ તાલુકાના બાલીસણા ગામે ચૂંટણી સભા નો કાર્યક્રમ ભાજપના આગેવાન કાર્યકરો દ્વારા યોજવામાં આવ્યો હતો.
જોકે બાલીસણા ગામે યોજાયેલ ભરતસિંહ ડાભીની આ સભા નાના બાળકોને લઈને વિવાદમાં આવી ગઈ હતી. સભામાં ભાજપની ભીડ દેખાય અને ઉમેદવાર રાજી થાય તે માટે આયોજકો એક એવી ભૂલ કરી બેઠા હતા કે તેઓની આ સભામાં ને લઈને પાટણ ના રાજકારણમાં વિવાદનો મધપુડો છંછેડાઇ જવા પામ્યો હતો.
આયોજકો દ્વારા નાના માસૂમ બાળકોને ભાજપનો ખેસ અને કેસરી ટોપી પહેરાવી સભામાં આગલી હરોળમાં ખાલી ખુરશીઓમાં બેસાડી દેવામાં આવ્યા હતા જેથી કરીને કેસરિયો માહોલ દેખાય અને ખુરશી ખાલી ના દેખાય.
જોકે આ માસુમ બાળકો એવા હતા કે જેઓને એ પણ ખ્યાલ ન હતો કે અમારા ગળામાં જે ખેસ પહેરાવ્યો છે તે કઈ પાર્ટી નો છે રાજકારણનો ર પણ ના જાણનાર માસૂમ બાળકોને ભાજપે આ રીતે રાજકીય લાભ ખાટવા જે રીતે તેવોની માસુમીયતનો દુર ઉપયોગ કર્યો છે તેને લઈને પાટણ ભારતીય જનતા પાર્ટી અને પાટણ લોકસભાના ઉમેદવાર ભરતસિંહ ડાભી આ સભાને લઈને બેક ફૂટ ઉપર આવી ગયા હતા.