ભેટ / Children’s Day પર પોતાના બાળકોને ગિફ્ટમાં આપો LIC ની આ પોલિસી, ઓછા પ્રિમિયમમાં વધુ ફાયદો

• પોતાના બાળકોને ગિફ્ટમાં આપો LIC ની આ પોલિસી
• ઓછા ખર્ચમાં બાળકોના અભ્યાસનો ખર્ચ પૂર્ણ થઇ જશે
• આ પોલિસી બાળકોને ધ્યાનમાં રાખીને બનાવાઈ

બાળકોનો મોટાભાગનો ખર્ચ પૂર્ણ થઇ જશે

આ પોલિસીને એવીરીતે ડિઝાઈન કરવામાં આવી છે કે ઓછા ખર્ચમાં બાળકોનો મોટાભાગનો અભ્યાસનો ખર્ચ પૂર્ણ થઇ જશે. આજના મોંઘવારીના જમાનામાં આ પોલિસી તમે બાળ દિવસે તમારા બાળકને ભેટમાં આપી શકો છો. એલઆઈસીની જીવન તરૂણ પોલિસી નોન લિંક્ડ એટલેકે શેર માર્કેટ સાથે જોડાયેલો પ્લાન નથી. આ પોલિસી નફા સાથે આવે છે. એટલેકે એલઆઈસીને લાભ થાય છે તો તેનો ભાગ પોલિસી હોલ્ડરને બોનસ તરીકે આપવામાં આવે છે. સૌથી સારી વાત એ છે કે આ એક લિમિટેડ પ્રીમિયમ પેમેન્ટ પોલિસી છે. એટલેકે જેટલા વર્ષની પોલિસી હશે તેનાથી 5 વર્ષ ઓછું પ્રીમિયમ ભરવુ પડશે.

મની બેક પ્લાન 

આ એક મની બેક પ્લાન છે, જેમાં પોલિસીના થોડા રૂપિયા બાળકો મોટા થાય ત્યારે આપવામાં આવે છે. બાળકની ઉંમર જ્યારે 20 વર્ષની થાય છે તો આગામી 4 વર્ષ સુધી તેને પોલિસીના થોડા રૂપિયા દર વર્ષે આપવામાં આવે છે. આ જ ઉંમર છે, જ્યારે બાળકને ઉચ્ચ શિક્ષણ માટે વધુ પૈસાની જરૂર પડે છે. જેને ધ્યાનમાં રાખીને મની બેકનો વિકલ્પ રાખવામાં આવ્યો છે.

જીવન તરૂણ પોલિસી

જ્યારે બાળક 25 વર્ષનો થાય ત્યારે તેને મેચ્યોરિટી રકમની સાથે બોનસ પણ આપવામાં આવે છે. બાળક જ્યારે 90 દિવસનો હોય ત્યારે આ પોલિસી લઇ શકો છો. જ્યારે 12 વર્ષનો થાય ત્યારે પણ લઇ શકો છો. ત્યારબાદ આ પ્લાન નહીં મળે. ધારો કે 10 વર્ષના બાળક માટે તમે આ પોલિસી લઇ રહ્યાં છો તો પોલિસીનો સમયગાળો 15 વર્ષનો હશે. સૌથી ખાસ તેની પ્રીમિયમ પેમેન્ટ ટર્મ છે. જેટલા વર્ષની પોલિસી હોય છે તેનાથી 5 વર્ષ ઓછું પ્રીમિયમ ભરવાનુ હોય છે.

ક્યારે કેટલા પૈસા મળશે

આ પોલિસી ઓછામાં ઓછા 75,000 રૂપિયાની વીમાની રકમ માટે લઇ શકો છો અને મહત્તમ તેની કોઈ મર્યાદા નથી. ધારો કે કોઈ વ્યક્તિએ બાળકના જન્મ થયાના પહેલા વર્ષે આ પોલિસી લઇ લીધી તો તેની પોલિસી ટર્મ 25 વર્ષ રહેશે. જે મુજબ બાળકના પરિવારજનોએ 20 વર્ષ સુધી પ્રીમિયમ ભરવુ પડશે. માની લો કે 10 લાખના વીમાની પોલિસી લો છો. આ પોલિસીમાં ચાર ઓપ્શન હેઠળ મેચ્યોરિટીના રૂપિયા મળે છે. પહેલા વિકલ્પમાં જ્યારે બાળકની ઉંમર 25 વર્ષ હશે ત્યારે પ્લાન પૂરો થઇ જશે અને તેને વીમાની રકમ 10 લાખ, બોનસ તરીકે 12 લાખ અને ફાઈનલ એડિશનલ બોનસરૂપે 4.50 લાખ રૂપિયા મળશે. આમ, કુલ 26.50 લાખ રૂપિયા મળશે.