કોરોના વેક્સીનને લઈને જાણકારોનું માનવું છે કે હાલમાં જે વેક્સીન આવી છે તે બાળકો માટે સુરક્ષિત છે તે માની લેવું મુશ્કેલ છે. દવા કંપનીઓએ તેમના માટે અલગથી ટ્રાયલ શરૂ કરવાનું રહેશે. જો કે બ્રિટને ફાઈઝર બાયોએનટેકની વેક્સીનને માટે આ વિકલ્પની સાથે અનુમતિ આપી છે કે તેને ઈમરજન્સીમાં ઉપયોગ કરી શકાશે. બાળકોએ વેક્સીન માટે 2021ના અંત સુધી રાહ જોવી પડે તેમ છે.
બાળકો વેક્સીનના ટ્રાયલનો ભાગ નથી
હાલની વેક્સીન બાળકો માટે સુરક્ષિત નથી
બાળકોને 2021ના અંત સુધી જોવી પડશે રાહ
અમેરિકામાં એમોરી વેક્સીન સેન્ટરના નિર્દેશક ડો. રફી અહેમદનું કહેવું છે કે હાલમાં બાળકોને વેક્સીન નહીં લગાવવામાં આવે કારણકે તે ટ્રાયલનો ભાગ નથી. દવા કંપનીઓમાં રેટલાકે બાળકો પર અલગ ટ્રાયલની યોજના બનાવી છે.
વેક્સીન કંપનીઓએ બાળકો પર ક્લિનિકલ ટ્રાયલ શરૂ કર્યું
ફાઈઝર અને મોર્ડની કંપનીઓએ પણ હાલમાં બાળકો પર પણ ક્લીનિકલ ટ્રાયલ શરૂ કર્યું છે. અલગથી કરાઈ રહેલા આ ટ્રાયલમાં દવા કંપનીઓને લાંબા સમયની સુવિધા, સ્વાસ્થ્ય માપદંડ, બે ડોઝ વચ્ચેનું અંતર વગેરે તપાસવાની જરૂર છે. બાળકો પર વેક્સીનના પ્રયોગનુ પરિણામ સારુ હોઈ શકે છે. આ પ્રક્રિયામાં એક વર્ષનો સમય લાગશે. ફાઈઝર કંપનીએ તેના ટ્રાયલમાં 12-15 વર્ષની ઉંમરના બાળકોને સામેલ કર્યા છે.
બાળકોને કોરોનાનો ખતરો ઓછો
ICMRના પરિણામ અનુસાર નેશનલ કો ઓપરેટિવ ડેવલપમેન્ટ કોર્પોરેશનના એક અનુમાન અનુસાર 12 ટકા સંક્રમિત આબાદી 20 વર્ષથી ઓછી ઉંમરની છે જ્યારે 88 ટકા સંક્રમિત લોકો 20 વર્ષથી વધુ ઉંમરના છે. આ આંકડા 8 ડિસેમ્બર સુધીના છે. મોટી ઉંમર કરતાં બાળકોને ખતરો ઓછો રહે છે અને તેમનો મૃત્યુદર પણ ઓછો છે. બાળકોમાં એક નવું લક્ષણ જોવા મળી રહ્યું છે જેને મલ્ટી સિસ્ટમ ઈનફ્લેમેટરી સિંડ્રોમ કહેવાય છે. વિશેષજ્ઞો બાળકો માટે વેક્સીનની પ્રભાવિતા પર ભાર મૂકી રહ્યા છે.
એમ્સમાં કમ્યુનિટી મેડિસિન ડિપાર્ટમેન્ટના પ્રોફેસર અને ભારત બાયોટેકના ક્લિનિકલ ટ્રાયલના મુખ્ય ઈન્વેસ્ટીગેટર ડો. સંજય રાયે કહ્યું કે મને નથી લાગતું કે બાળકોને વેક્સીનની જરૂર છે. પહેલી વાત કોરોનાનો ખતરો બાળકો પર નહિવત છે અને એ જોવું પણ જરૂરી છે કે વેક્સીનના લાંબા સમયમાં તે કેટલી પ્રભાવકારી છે.