રાજકોટના ધારાસભ્ય ગોવિંદ પટેલના જન્મદિવસની અનોખી રીતે ઉજવણી કરવામાં આવી હતી. રાજકોટમાં આજે મવડી ગામથી 22 લક્ઝરીયસ કાળી કાર નીકળી હતી અને એ ગાડીઓની અંદર કોઠારીયા વિસ્તારના ગરીબ સ્લમના બાળકો સવાર હતા બેસાડી રાજકોટના રેસકોર્સ રોડના વિસ્તાર પર એમને પરિભ્રમણ કરાવવામાં આવ્યું હતું.આ તકે બાળકોના ચહેરા પર અનેરૂ સ્મિત જોવા મળ્યું હતું.
ધારાસભ્ય ગોવિંદ પટેલનો જન્મદિવસ સામાજીક કાર્યને અર્પણ કરાયો
આજના યુગમાં મોંઘી કારના કાફલામાં સવાર થઇને શહેરમાં લટાર મારવીએ સૌ કોઈનું સ્વપ્ન હોય છે પરંતુ ગરીબ વર્ગના બાળકોને માટે આ સ્વપ્ન સ્વપ્ન જ રહી જાય છે. પરંતુ ગરીબ બાળકોનાં આ સ્વપ્નને સાકાર કરવા માટે રાજકોટના લક્ષ્મીનગર વિસ્તાર અને કોઠારીયા વિસ્તારના ઝુપડપટ્ટીમાં રહેતા બાળકો માટે પ્રવાસનું આયોજન કરાયું હતું. જેમાં બાળકોને મવડીથી પ્રસ્થાન થયેલી કારોમાં રણુજા મંદિર ખાતેથી રેસકોર્સ વિસ્તારમાં અને ત્યારબાદ યાજ્ઞિક રોડ થઈ અને મવડી તરફ પ્રસ્થાન કરી અને શગુન પાર્ટી પ્લોટ ખાતે લઈ જવામાં આવ્યા હતા. આમ રાજકોટનું પરિભ્રમણ કરી ખાસ હોટેલમાં જમવા લઇ જઈ ધારાસભ્ય ગોવિંદ પટેલનો જન્મદિવસ સામાજીક કાર્યને અર્પણ કરવામાં આવ્યો હતો.
બાળકોએ લક્ઝરી કારમાં રાઈડની મોજ માણી
મવડીથી નીકળેલી લક્ઝરી કારમાં સ્લમ વિસ્તારના ભૂલકાઓની રાજકોટ સફર રોમાંચક રહી હતી. આ બાળકોએ કાર સવારીના આનંદ વ્યક્ત કર્યો હતો. આ પ્રવાસને લઇને સ્લમ વિસ્તાના બાળકોમાં અનેરી ખુશી છવાઈ હતી સાથે ગમ્મત સાથે મોંઘી હોટલમાં ભાવતા ભોજનીયા અને મોંઘી કારની સફર બાળકોને ક્યારેય ન વિસરાઈ તેવી હતી.