મોબાઈલ પર ગેમ રમવાની આદત ધરાવતા બાળકોના વાલીઓ માટે લાલબત્તી સમાન એક કિસ્સો પ્રકાશમાં આવ્યો છે.
બાળકોને ઓનલાઈન ગેમની લત
વાપીનો વિદ્યાર્થી ઘરેથી રૂ.1 હજાર લઈને ફરાર
વિદ્યાર્થી 8માં દિવસે રાજસ્થાન પોલીસને મળ્યો
અઠવાડિયાના અંતે બાળક,માતા-પિતાનું મિલન
મોબાઈલ ગેમ રમવાની બાબતે મા-બાપે ઠપકો આપતા વાપીના ડુંગરા વિસ્તારમાંથી એક બાળક રૂ.1 હજાર લઈને ચિઠ્ઠી લખી ફરાર થઈ ગયો હતો.જોકે અઠવાડિયાની દોડધામ બાદ આખરે રાજસ્થાનના એક રેલવે સ્ટેશન પરથી બાળક મળી આવ્યો હતો.
ગેમ રમવાની લતે બાળકને બગાડ્યું
ઘટનાની વિગતે વાત કરીએ તો ધો.9માં અભ્યાસ કરતા બાળકને ઓનલાઇન શિક્ષણ દરમિયાન ગેમ રમવાની લત લાગી ગઇ હતી.તથા તેના વર્તનમાં પણ મોટાપાયે ફેરફાર જોવા મળ્યો હતો.
પિતાએ મનાઈ ફરમાવતા બાળક ઘર છોડીને ભાગ્યો
આખરે પિતાએ બાળકને મોબાઇલ આપવાની મનાઇ કરતા બાળક અચાનક જ ઘરેથી પૈસા લઈને ફરાર થઈ ગયો હતો અને એક અઠવાડિયાની શોધખોળ બાદ રાજસ્થાન રેલવે સ્ટેશનથી મળી આવતા પરિવારને રાહત થઈ હતી.
ઘર છોડતા પહેલા લખી ચિઠ્ઠી
ઘર છોડતા પહેલા અભિષેકે પરિવારના સભ્યોને સંબોધી અને એક ચિઠ્ઠી લખી હતી. આ ચિઠ્ઠી પરિવારજનોના હાથમાં આવતાં પરિવારના સભ્યોના જીવ તાળવે ચોંટયા હતા. કારણ કે બાળકે ચિઠ્ઠીમાં લખ્યું હતું કે પરિવારના સભ્યો તેને મોબાઇલમાં ગેમ રમવાની ના પાડે છે અને રમવા નથી દેતા. આથી તેને ખોટું લાગતા તે ઘર છોડીને જઇ રહ્યો છે અને ક્યારેય પરત નહીં ફરે તેવું પણ તેને ચિઠ્ઠીમાં લખ્યું હતું. આથી પરિવારજનો ચિંતામાં મુકાયા હતા. જોકે રૂપિયા હતા હતા સુધી અભિષેકના 7 દિવસ પસાર થયા હતા. જો કે ત્યારબાદ તેને હકીકતનો ખ્યાલ આવ્યો હતો અને અંતે બિહારથી ફરી વાપી આવવા નીકળ્યો હતો.
બાળકોના સ્વભાવમાં પણ ચિંતાજનક ફેરફાર
ઉલ્લેખનીય છે કે ઓનલાઇન ગેમની લતને કારણે બાળકોની મનોવૃતિ પર ગંભીર અસર પડી રહી છે.તથા બાળકોના સ્વભાવમાં પણ ચિંતાજનક ફેરફાર જોવા મળી રહ્યો છે.
સંતાનોને સમજ પણ આપો!
મોબાઇલ,ટેબલેટ કે કોમ્પ્યુટર સંતાનોને આપવું એ જરૂરી છે
અત્યારની શિક્ષણપ્રથાને કારણે આધુનિક ઉપકરણોથી વંચિત નહીઁ રાખી શકાય
ટેકનોક્રેટ બનાવવાની સાથે સંતાનોને તેના ઉપયોગ વિશેની સમજ આપો
સંતાનોને આપેલા સાધનો તેના માટે હાનિકારક ન બને તેનું ધ્યાન રાખો
તેનો સંયમિત અને યોગ્ય દિશાનો ઉપયોગ તેને આગળ વધારશે
તેનો દુરુપયોગ સંતાનોની દિશા ભટકાવશે
માતા-પિતા તરીકે સંતાનોનો વિશ્વાસ કેળવો
સંતાનોના મોબાઇલ અને લેપટોપને ક્યારેક ચકાસો
તેનો ઉપયોગ તે કંઇ રીતે કરે છે તે જાણો
જીવનને બરબાદ કરતી કોઇ ગેમ,સોશિયલ પ્લેટફોર્મમાં તો સક્રિય નથીને તે ચકાસો
નોકરી કે વ્યવસાય પછી સંતાનો સાથે યોગ્ય સમય વિતાવો
સંતાનોને સમય આપશો,તો તેની આદતોને જાણી શકશો
સંતાનોનો વિશ્વાસ મેળવશો તો તો તેમની વ્યથાને સમજી શકશો
સંતાનોને કોની સાથે સંગત છે તે પણ જાણવું જરૂરી છે