કાર્યવાહી / આમને ઓળખી લો...માસૂમને ઉઠાવતા ફરે છે આ શેતાનો, અમદાવાદના કૃષ્ણનગરમાં બાળ તસ્કરી કરતી ગેંગ ઝડપાઇ

• અમદાવાદમાં બાળકોને ઉઠાવી જતી ગેંગ ઝડપાઈ
• નરોડા નજીક કૃષ્ણનગર વિસ્તારમાં 2 શખ્સો ઝડપાયા
• ભગવા કપડા પહેરીને આવેલા શખ્સોને લોકોએ ઝડપ્યા

તાજેતરમાં અમદાવાદના નરોડા અને ગોતામાં તરુણના અપહરણની ઘટના પ્રકાસમાં આવી હતી. જેને લઈને બાળકો ઉઠાવતી ગેંગ સક્રિય થઇ હોવાની ચર્ચા જાગી હતી આથી લોકોમાં ભયનો માહોલ પેદા થયો હતો. તેવી ચર્ચા અને ભયના વાતાવરણ વચ્ચે આજે અમદાવાદમાંથી બાળકોને ઉઠાઈ જતી ગેંગના બે શખ્સો પકડાયા હતા. શહેરના નરોડા નજીક કૃષ્ણનગર વિસ્તારમાં 2 શખ્સો ઝડપાતા ચકચાર મચી જવા પામી હતી. લોકોની નજરે ચડેલા શખ્સો ભગવા કપડા પહેરીને કાળા કામ કરતા હોવાનું સામે આવ્યું છે. બીજી તરફ વિધર્મીઓ ભગવા કપડા પહેરીને બાળકોને ઉઠાવતા હોવાનો દાવો પણ કરવામાં આવી રહ્યો છે. આ અંગે સ્થાનિકોને જાણ  થતાં લોકોના ટોળેટોળે એકઠા થઇ ગયા હતા અને સ્થાનિકોએ શખ્સોને લમધારી પોલીસ હવાલે કર્યા હતા.

ત્રણ દિવસ અગાઉ નરોડામાં 14 વર્ષના તરુણનો થયો હતો અપહરણનો પ્રયાસ
વધુમાં ત્રણ દિવસ અગાઉ અમદાવાદમાં ધોળા દિવસે નરોડામાં 14 વર્ષના તરુણના અપહરણનો પ્રયાસ કરવામાં આવતા દહેશત ફેલાઇ હતી. અમદાવાદના પૂર્વ વિસ્તારમાં ટ્યુશનથી પરત આવતા 14 વર્ષના કિશોરના અપહરણનો બાઇક ચાલકે પ્રયાસ કર્યો હતો આ દરમ્યાન એક મહિલા આવી જતા બાળકનું અપહરણ થતા અટકી ગયું અને આરોપી ફરાર થઇ ગયા હતા. આ ઘટનાથી કિશોર હેબતાઈ ગયો હતો અને લોકોમાં પણ ભયનું લખલખુ ફેલાઈ ગયું હતું.  શહેરમાં બનતી આવી ઘટનાઑ વચ્ચે આજે બાળકોને ઉઠાવી જતી ગેંગના બે શખ્સો પકડાતા પોલીસે ઊંડી તપાસ હાથ ધરી છે.
 
15 દિવસ અગાઉ ન્યૂ ગોતામાં બે બાળકોના અપહરણનો થયો હતો પ્રયાસ 
આશરે 15 દિવસ અગાઉ ન્યૂ ગોતામાં 10 વર્ષની છોકરી અને 10 વર્ષના છોકરાના અપહરણના પ્રયાસની ઘટના ઘટી હતી. જોકે આ સમયે લોકો ભેગા થઇ જતા બંને ઘટનામાં અપહરણકારોને સફળતા મળી ન હતી. જે તે વેળાએ છોકરાનું અપહરણ કરવા આવેલી ટોળકીના એક સભ્યને લોકોએ દબોચી લઈ માર માર્યો હતો અને પોલીસ હવાલે કર્યો હતો. ત્યારબાદ છોકરીના અપહરણના પ્રયાસમાં ઈકો ગાડીમાં આવેલા 2 માણસ ભાગી ગયા હતા.