દેશમાં દુષ્કર્મના કિસ્સાઓ દિવસેને દિવસે વધી રહ્યા છે. ત્યારે હવે અમદાવાદમાં અપહરણ બાદ દુષ્કર્મની ઘટના સામે આવી છે. અમદાવાદના નારોલ વિસ્તારમાંથી બાળકીનું અપહરણ કરીને કેટલાક શખ્સોએ દુષ્કર્મ આચર્યું હતું.
અમદાવાદના નારોલમાં બાળકીના અપહરણ બાદ દુષ્કર્મની ઘટના
પોલીસે અપહરણ અને પોસ્કોની ફરિયાદ નોંધી
કિશોરી ગુમ થયા બાદ નજીકની સોસાયટી પાસેથી મળી આવી હતી
અમદાવાદના નારોલમાં બાળકીના અપહરણની ફરિયાદ નોંધાય છે. પોલીસે અપહરણ અને પોસ્કોની ફરિયાદ નોંધી છે. કિશોરી ગુમ થયા બાદ નજીકની સોસાયટી પાસેથી તે મળી આવી હતી. આ સોસાયટીના રહીશોએ બાળકીને પોલીસને સોંપી હતી.
બાઈક પર આવેલા બે શખ્સો અપહરણ કર્યુ હતું અને ત્યારબાદ દુષ્કર્મ કર્યું હતું. ત્યારબાદ બાળકીને પેટમાં દુઃખાવો થતા હોસ્પિટલમાં ખસેડવામાં આવી છે. નારોલ પોલીસ ઘટનાસ્થળે અને હોસ્પિટલે પહોંચી છે.
હૈદરાબાદમાં રિક્ષાચાલક શખ્સે 18 વર્ષીય યુવતી સાથે દુષ્કર્મ
બીજી તરફ દેશમાં વધુ એક દુષ્કર્મની ઘટના સામે આવી છે. હૈદરાબાદમાં 18 વર્ષીય યુવતી સાથે દુષ્કર્મની ઘટના બની છે. જેમાં રિક્ષાચાલક શખ્સે યુવતી સાથે કૃત્ય આચર્યુ હતું. દુષ્કર્મ બાદ રિક્ષાચાલક શખ્સ ફરાર થયો હતો. યુવતીને સારવાર માટે હોસ્પિટલ ખસેડાઈ છે. પોલીસે આરોપી રિક્ષાચાલકની શોધખોળ હાથધરી છે.