સોશિયલ મીડિયા પર એક વિડીયોમાં એક નાનકડી બાળકી દેશના જવાનના ચરણ સ્પર્શ કરે છે જે હાલ વાયરલ થઇ રહ્યો છે. લોકો આ જોઇને બાળકી અને તેના માતાપિતાના ખુબ વખાણ કરી રહ્યા છે.
બાળકોના સંસ્કારથી જોડાયેલો વિડીયો વાયરલ
એક અજાણી નાની બાળકીએ દેશના જવાનના ચરણસ્પર્શ કર્યા
લોકોએ કહ્યું આ આપણા ભારતદેશની સંસ્કૃતિ છે
માતા-પિતા જ એ વ્યક્તિ છે જે પોતાના બાળકોને સારા સંસ્કાર આપતા હોય છે, જેથી જ્યારે તેનું બાળક સમાજમાં બહાર આવે, ત્યારે એ જ સંસ્કારોનો લીધે સમાજમાં તેમનું માનસન્માન વધે છે. પરંતુ કેટલીકવાર તે બાળકો પર પણ નિર્ભર કરે છે કે તેઓ માતાપિતાની વાતોને કેટલું સમજે છે. હાલમાં જ મેટ્રો સ્ટેશન પર એક નાનકડી છોકરીએ આવું કામ કર્યું હતું, જે બાદ તેને અને તેના માતા-પિતાના ચારે બાજુ વખાણ થવા લાગ્યા હતા. યુવતીએ એક ભારતનાં સુરક્ષા કર્મચારીના પગને સ્પર્શ કર્યો હતો, ત્યારબાદ જવાન પણ ભાવુક થઈ ગયો હતો.
વાયરલ થયો બાળકીનો વિડીયો
થોડા સમયથી સોશિયલ મીડિયા પર એક વીડિયો ઝડપી વાયરલ થઇ રહ્યો છે જેમાં એક નાનકડી બાળકી સંરક્ષણ કર્મચારીઓના ચરણ સ્પર્શ કરતી હોવાનું જણાઈ આવે છે. વીડિયોની ખાસ વાત એ છે કે લોકો સુરક્ષાકર્મીઓના યોગદાન માટે તેમનો આભાર વ્યક્ત નથી કરતા, ત્યારે એક અજાણી નાની છોકરીએ આભાર વ્યક્ત કરવા માટે યુવકના ચરણસ્પર્શ કર્યા હતા. નાની બાળકીના આ વર્તનને લોકોએ ખૂબ પસંદ કર્યું છે.
જવાનના પગને સ્પર્શતી બાળકી
વીડિયો મેટ્રો સ્ટેશનનો હોય તેવું લાગી રહ્યું છે. 3 સીઆરપીએફના જવાન ઉભા ઉભા વાત કરતા જોવા મળી રહ્યા છે. ત્યારે જ એક નાની છોકરી તેમની પાસે આવે છે અને તેમાંથી એક જવાન પાસે આવીને ઉભી રહે છે. યુવક પણ તેને પ્રેમથી જુએ છે, પરંતુ પછી બાળક નીચે નમીને યુવકના ચરણસ્પર્શ કરે છે. આ પછી, યુવક ભાવુક થઈ જાય છે અને બાળકનું માથું પકડીને તેના પ્રત્યેનો પ્રેમ વ્યક્ત કરે છે અને પછી વીડિયો બનાવનારા તેના પરિવારના સભ્યોને મોકલે છે.
લોકો વીડિયો પર પ્રતિક્રિયા આપી રહ્યા છે
આ વીડિયોને અત્યાર સુધી 5 લાખથી વધુ વ્યૂઝ મળ્યા છે, તો ઘણા લોકોએ કોમેન્ટ પણ કરી છે અને પોતાની પ્રતિક્રિયા પણ આપી છે. આ વીડિયોને 25 હજારથી વધુ લોકોએ લાઈક કર્યો છે. ઘણા લોકો કમેન્ટ્સ કરી રહ્યા છે અને તેમનો પ્રતિસાદ પણ આપી રહ્યા છે. એક વ્યક્તિએ કહ્યું કે અરે દિલ ખુશ થઈ ગયું આ વિડિયો જોઈ ને ... ખરેખર આ જવાન અને દિકરીને સો સો સલામ છે... જય હિન્દ. એક વ્યક્તિએ લખ્યું- ચોક્કસથી તેમના માતા-પિતા રાષ્ટ્રહિત રાષ્ટ્ર પ્રેમ અને તેમના બાળકો દ્વારા ઉચ્ચ સંસ્કારનું સિંચન હોય ત્યારે જ શક્ય બને છે. અન્ય એક એ લખ્યું કે અતિસુંદર સંસ્કાર છે આ દેશના, જુઓ એક વર્તમાન અને બીજું આપણું આવનારું ઉજ્જવળ ભવિષ્ય. પ્રણામ સાથે વંદન આપણી સંસ્કૃતિને.