MP / VIDEO : રમતાં બાળકોનું ધ્યાન રાખો ! ઈન્દોરમાં બાલ્કનીમાંથી નીચે પટકાતાં માસૂમનું મોત, વીડિયો વાયરલ

• મધ્યપ્રદેશના ઇન્દોરમાં કરુણ ઘટના
• રમતાં રમતાં બાલ્કનીમાંથી નીચે પડ્યો દોઢ વર્ષનો છોકરો 
• હોસ્પિટલમાં સારવાર દરમિયાન થયું મોત
• માતા ખાવાનું બનાવવામાં વ્યસ્ત હતી
• છોકરો તેના મોટા ભાઈ સાથે ઘરમાં રમી રહ્યો હતો 

નાના છોકરા જ્યારે રમતાં હોય ત્યારે ખૂબ ધ્યાન રાખવું પડતું હોય છે. જરા સરખી બેદરકારીથી જીવલેણ ઘટના બની શકે છે. મધ્યપ્રદેશના ઈન્દોર શહેરમાં માતા ખાવાનું બનાવવામાં કામમાં વ્યસ્ત થઈ એટલે તેના બે નાના બાળકોનું ધ્યાન રાખવાનું ભૂલી ગઈ પરિણામે બાલ્કનીમાંથી નીચે પડી જતા એક બાળકનું મોત થયું હતું. 

રમતાં રમતાં બાલ્કનીમાંથી રસ્તા પર પટકાયો છોકરો 
જાણકારી અનુસાર ઈન્દોરના કનાડિયા પોલીસ સ્ટેશન વિસ્તારની શિવ ધામ કોલોનીમાં દોઢ વર્ષનો માસૂમ બાળક શશાંક સૂર્યવંશી પોતાના ભાઈ લક્ષ્ય સાથે ઘરમાં રમી રહ્યો હતો. આ દરમિયાન તે બાલ્કનીમાંથી નીચે રસ્તા પર જોરદાર અવાજ સાથે નીચે પટકાયો હતો. ઘટના સમયે બાળકની માતા રસોડામાં રસોઈ બનાવતી હતી બન્ને ભાઈઓ રમતાં હતા ત્યારે આ ઘટના બની હતી. બીજા ભાઈનો રડવાનો અવાજ આવતા માતા દોડી આવી હતી ત્યારે તેને નાના છોકરાના પડવાની ખબર પડી હતી. આથી તે ગભરાટમાં નીચે ભાગી હતી પરંતુ તે દરમિયાન છોકરાને માથાના ભાગે ઘણું વાગ્યું હતું. સારવાર દરમિયાન માસૂમ બાળકનું મોત નીપજ્યું હતું. આ સમગ્ર ઘટના સીસીટીવીમાં કેદ થઈ છે જેમાં બાળક ઘરની બાલ્કનીમાંથી રસ્તા પર પડતું જોવા મળી રહ્યું છે. આ દરમિયાન બીજા ઘરની સામે બેઠેલી એક છોકરીએ બાળકીને રસ્તા પરથી ઉઠાવી લીધી હતી.

इंदौर में मां बना रही थी खाना बड़े भाई के साथ खेलते वक्त डेढ़ साल के मासूम बच्चा गिरा बालकनी से....उपचार कर दौरान मासूम की मौत..... घटना का #लाइवविडियो pic.twitter.com/tFgbirqeTK

— firoz khan (@firozkhan911) September 27, 2022

રમતાં બાળકોનું ધ્યાન રાખવાની જરુર
આ ચોંકાવનારી ઘટના બાદ માતાપિતાએ એટલું ધ્યાન રાખવાની જરુર છે કે જ્યારે બાળકો રમતાં હોય ત્યારે તેમનું ખાસ ધ્યાન રાખવામાં આવે અન્યથા કોઈની પણ સાથે આવી ઘટના બની શકે છે.