41 કલાકથી 60 ફૂટ ઉંડા બોરવેલમાં ફસાયું 15 મહિનાનું બાળક, સેના-NDRFએ શરૂ કર્યું રેસ્ક્યુ ઓપરેશન

હિસારઃ હરિયાણાના હિસારમાં માસૂમ નદીમને બચાવવાની જંગ હજુ પણ યથાવત્ છે. બોરવેલમાં પડી ગયેલો 15 માસનો નદીમ 60 ફૂટની બોરવેલમાં ફસાઈ ગયો છે. ત્યારે નદીમને બચાવવા માટે NDRF અને આર્મીએ રેસ્ક્યુ ઓપરેશન હાથ ધર્યું છે. બોરવેલની બાજુમાં મોટો ખાડો ખોદવામાં આવ્યો છે. હવે NDRFએ ટનલ બનાવવાનું કામ શરૂ કર્યું છે. જે જગ્યાએ આર્મીએ ખાડો ખોદ્યો છે. 



તે જગ્યાએથી બોરવેલ સુધી 20 ફૂટ દૂર આના સમાંતર બોરવેલ ખોદવાનું શરૂ કરી દીધું છે. આ જ માર્ગ દ્વારા જવાનો ટનલ સુધી પહોંચશે. બાળકને ટનલ દ્વારા રેસ્ક્યુ કરવામાં આવશે. આ કામગીરી અંતિમ પડાવમાં પહોંચી ગઈ છે.



જોકે 41 કલાકથી જીવન મરણ વચ્ચે ઝોલા ખાઈ રહેલો નદીમ બચી જાય તે માટે સૌકોઈ પ્રાર્થના કરી રહ્યા છે. બોરવેલમાં નાઇટ વિઝન કેમરો લગાવવામાં આવ્યો છે. તેના દ્વારા બાળકની ગતિવિધિ પર નજર રાખી શકાય.
 


સ્થાનિક લોકોના જણાવ્યા અનુસાર, બાળકની ઓળખ નદીમ હોવાની સામે આવ્યું છે અને તે મિત્રો સાથે રમી રહ્યો હતો ત્યારે અચાનગ બોરવેલમાં જઇ પડ્યો. બાળકના પિતા મજૂરી કામ કરે છે.