OMG / કબાટ પડતાં બાળકનું મોત થયું, પરિવારે કેસ કરતાં ફર્નિચર કંપનીએ 33100000000 રૂપિયાનું વળતર ચૂકવ્યું

• કબાટ પડવાથી 2 વર્ષના બાળકનું થયું મોત
• કંપની 31 કરોડ રૂપિયાનું વળતર આપશે
• આ પહેલાં પણ બની ચૂકી છે આવી ઘટના

કેલિફોર્નિયામાં મે 2017માં 2 વર્ષના જોસેફ ડડેક પર આઇકિયા કંપનીનો કબાટ પડ્યો હતો અને શ્વાસ ઘૂંટાવાને લીધે તેનું મૃત્યુ થયું હતું. વર્ષ 2016ના પણ આઈકિયા કંપનીએ ત્રણ પરિવારને 360 કરોડ રૂપિયાનું વળતર આપ્યું હતું. 

કબાટ પડવાથી થયું મોત

જોસેફના વકીલે કહ્યું કે, અમેરિકાના ઈતિહાસમાં ભૂલથી થયેલા બાળકના મોતનું આ સૌથી મોટું સેન્ટલમેન્ટ છે. જોસેફના પિતા ક્રેગ ડડેકે કહ્યું કે, અમે ક્યારેય નહોતું વિચાર્યું કે 30 ઈંચનો કબાટ પડવાથી અમારા બે વર્ષના દીકરાનું મૃત્યુ થઈ જશે. તપાસ કરતા ખબર પડી હતી કે, કબાટની ડિઝાઈન સરખી ન હોવાથી આ આ ઘટના થઈ હતી. 

કંપનીએ આ ઘટના બાદ બધાં કસ્ટમર પાસેથી કબાટ પરત મંગાવ્યા

જોસેફના માતા અને પિતાએ જણાવ્યું કે, અમે આ કેસ એટલા માટે લડીએ છીએ કારણ કે તે અન્ય લોકોની પણ સામે આવે. અમારી સાથે થયું તેવું હવે અન્ય કોઈ પરિવાર સાથે ન થવું જોઈએ. કંપનીએ આ ઘટના બાદ તે જ ડિઝાઈનવાળા કબાટને કસ્ટમર તરફથી પરત ખેંચ્યા હતા. કંપનીના ઇતિહાસમાં આ રીતે કોઈ પ્રોડક્ટ પરત કરવી તે સૌથી મોટો કિસ્સો હતો. ઉલ્લેખનીય છે તે આઈકિયા કંપનીની સ્થાપના વર્ષ 1943માં ફિડોર ઈંગવાર કેમ્પ્રેડે કરી હતી. એ સમયે તેમની ઉંમર માત્ર 17 વર્ષ હતી.